ဝမ်းမြောက်နုမော်ခေါ်ဆိုနိုင်ရန်!
အလင်္ကာမြေမှ ပညာသင် မြန်မာရဟန်းတော် သံဃာတော်များနှင့် အားလုံးသော
ဗုဒ္ဓဘာသာဝင်တွေ ၀မ်းမြောက်နုမော် သာဓုခေါ်ဆိုနိုင်ရန် ဒီပို့စ်လေးကို
ရေးသားတင်ပြလိုက်ခြင်းဖြစ်ပါတယ်။ ဂုဏ်ယူဝင့်ကြွား လိုသောကြောင့် မဟုတ်ပါ။
အားလုံး သောကကင်းပြီး သာယာအေးချမ်းမှုဖြစ်စေရန် ရည်ရွယ်ပြီး
တင်လိုက်ခြင်းဖြစ်ပါတယ်။
ဒီဓာတ်ပုံလေးက
သီရိလင်္ကာနိုင်ငံ၊ ကိုလံဘိုမြို့၊ ကောလုနာဝကားလမ်းဘေးမှာတည်ရှိသော
မဟာရာဇ၀ိဟာရမည်သောသီရိလင်္ကာဘုန်းတော်ကြီး၏ ကျောင်းတိုက်တော်အတွင်းက
မြန်မာရဟန်းပညာသင်ရဟန်းတော်များ သီတင်းသုံးတည်း ခိုမှုပြုနေကြသော
တိုက်ကျောင်းလေးဖြစ်ပါတယ်။ ဒီတိုက်ကျောင်းလေးမှာ သီရိလင်္ကာေ ရာက်မြန်မာ
ရဟန်းတော်များ တည်းခိုနေထိုင် သီတင်းသုံးပြီး တက္ကသိုလ်ပညာရပ်များကို
သင်ကြား လာခဲ့တာ ဆယ်စုနှစ်နီးပါး ရှိခဲ့ပြီ။
အရှင်တို့မြန်မာရဟန်းတော်များသည် သီရိလင်္ကာမြေမှာ ပညာသင်ကြားရာတွင်
စားစရာထက် နေထိုင်သီတင်းသုံးစရာ နေရာရဖို့က ပိုခက်နေပါသည်။
အလင်္ကာတွင် မြန်မာမိခင်, မကုဋကျောင်းတိုက်တော်ကြီး ရှိနေသောကြောင့်သာ
အရှင်တို့မြန်မာရဟန်းတော် အများစု စိုးရိမ်ကြောင့်ကြမှု ကင်းကြရပါသည်။
သို့သော်လည်း မိခင်မကုဋတွင်လဲ အားလုံး နေထိုင် သီတင်းသုံးခြင်းငှါ
မဖြစ်နိုင်သောကြောင့် နောက်ရောက် ရဟန်ုးတော်များသည် တက္ကသိုလ်ပညာရပ်များကို
တက်ရောက် သင်ကြားနိုင်ရန် နေစရာကို အမောရှာဖွေကြရပါသည်။ အရှင်တို့တစ်တွေသည်
နိုင်ငံခြားပညာသင်ထွက်လာခဲ့သည်ဆိုသော်လည်း အဆင်ပြေသော
ကျောင်းသားများရှိသလို၊ ခက်ခဲသောကျောင်းသာ ရဟန်းတော်များလဲ ရှိနေပါသည်။
အချို့က ထောက်ပံ့သူ ဒကာ-ဒကာမ ပြည့်ဝသော်လည်း။ အချို့မှာက ခြို့ခြို့ခြံခြံ
နေထိုင် ပညာသင်နေရသော ကျောင်းသားများလဲ ရှိနေပါသည်။
မိခင်မကုဋတွင် နေရာ မရရှာသော ရဟန်းတော်များတွင် အချို့
ကုလားဘုန်းတော်ကြီးများကျောင်းများကို လိုက်လံရှာဖွေ လျှောက်ထားပြီး
နေထိုင် သီတင်းသုံးရပါသည်။ အချို့ ကုလားဘုန်းတော်ကြီးကျောင်းများတွင် နေရာ
မရသောကြောင့် လူနေအိမ်များကို ရှာဖွေ ငှါးရမ်းပြီး နေထိုင် ပညာသင်ရပါသည်။
လူနေအိမ်များကို ငှါးရမ်းနေထိုင် သီတင်းသုံး ကြရသော မြန်မာ ရဟန်းတော်
ကျောင်းသား များအတွက် အိမ်လခမှာ တစ်လကို ရူပီငွေ
၂၅၀၀(မြန်မာငွေ-၂၅၀၀၀)ပေးရပါသည်။ စားစရိတ်ဘာညာနဲ့ဆို တစ်လကို ရူပီ ၅၀၀၀
(မြန်မာငွေ-၅၀၀၀၀) လောက်ကျပါတယ်။ ဒါတောင် ဟိုသွား ဒီလာ ကားခ၊ အင်တာနက်
အသုံးပြုခ စသည်မပါသေး ပါဘူး။
ဒါကြောင့်
အရှင်တို့တစ်တွေဟာ သီရိလင်္ကာဘုန်းကျောင်းများမှာ သူ့အဆက်နဲ့သူ လျှောက်ပြီး
သည့်ခံ အောင့်အီးကာ နေထိုင် သီတင်းသုံးနေကြရပါတယ်။
သီရိလင်္ကာ ဘုန်းတော်ကြီး များကိုလဲ ကျေးဇူးတင်ရမှာပါ။ ဘာလို့လဲဆိုတော့ နေစရာ
အလကားပေးတယ်။ ရေ၊ မီး ပေးတယ်။ တစ်ချို့ ကျောင်းများမှာဆိုရင်
စားစရာပါပေးတယ်။ ဒီတော့ ကျေးဇူး တင်ထိုက်ပါတယ်။ သီရိလင်္ကာဘုန်းတော်
ကြီးကျောင်း များမှာ နေခွင့်ရကြသော မြန်မာကျောင်းသာ ရဟန်းတော် များကတော့
နေစရိတ်၊ စားစရိတ်က အိမ်ငှါးပြီးနေကြသော ရဟန်းတော်များထက် အတော်လေးကို
သက်သာပါတယ်။
သို့သော်လည်း---အခုအရှင်ဖော်ပြထားတဲ့
ဓာတ်ပုံထဲက ကျောင်းအိုလေးဟာ အရှင်တို့အတွက် မဟာမြင့်မိုရ်ပါပဲ။ ကျေးဇူးလဲ
အင်မတန်ကြီးမားပါတယ်။ ဒီတိုက်ကျောင်းလေးကို မြန်မာရဟန်းတော်များ အဆက်ဆက်၊
လက်ဆင့်ကမ်းနေထိုင် သီတင်းသုံးခဲ့ ကြ တာ နှစ်ပေါင်း ဆယ်ရာစု တစ်စုထိ
တိုင်ခဲ့ပါပြီ။ မြန်မာရဟန်းတော်များ နေထိုင်သီတင်းသုံးလာတာ
ဆယ်စုနှစ်ဆိုပေမဲ့ တိုက်ကလေးရဲ့ သက်တမ်းက အတော်လေးကို ကြာခဲ့ပါပြီ။
သက်တမ်းရလာတဲ့ တိုက်ကျောင်းကလေးဟာ " နုနယ်ရုပ်ဆင်း၊ပျိုမြစ်ခြင်းက၊
အိုခြင်းနောက် ဆုံးရှိခြေ၏" ဟူသောစကားအတိုင်း အခုတော့ အတော်လေးကို
အိုမင်ယိုယွင်းနေခဲ့ပါပြီ။ အိုတာမှ အလွန်ပါပဲ။ အရှင်တို့ကို နေစရာေ
ပးထားသော်လည်း၊ သက်တမ်းရလာသော ဒီတိုက်ကျောင်းလေးက အရှင်တို့ကို
စိတ်ချမ်းသာအောင် မထားနိုင် ခဲ့ပါဘူး။
အဘယ်ကြောင့်ဆိုသော်...အိုမင်းရင့်ရော်မှုကြောင့် မိုးဒဏ်ကိုလဲမခံ -မကာကွယ်နိုင်တော့ ပါဘူး။ နောက်--ပြင်းထန်သော
လေဒဏ်များ-မြေငလျင်ဒဏ်များကိုလဲ ခံနိုင်ရည်နည်းနေပါပြီ။ ဒါတင် ဘယ်ကမလဲ။
အားလုံးက ဆွေးမြေ့နေတာမို့--အမိုးကလဲ မိုးမလုံ။ အင်္ဂတေများကလဲ ဆားပေါက်ပြီ
တစတစ ပြုတ်ကျနေပါတယ်။ တစ်ချို့နေရာတွေဆို အသားဒေါက်တန်းများနဲ့
ထောက်ထားရပါတယ်။ အရင်နောင်တော်ကြီးများကလဲ ခဏခဏ ပြုပြင် မွန်းမံခဲ့ကြပါတယ်။
သက်တမ်းရင့် လာတော့လဲ တိုက်ကလေးက
ခံနိုင်ရည်အင်အားများနည်းပါးလာခဲ့ခြင်းပါ။ အခုဆို အရှင်တို့မှာ
စိုးရိမ်ကြောင့်ကြ မှုတွေနဲ့ မှေးစက်ေ နရ တယ်လေ။
ဘယ်ချိန်များပြိုကျမလဲဆိုတဲ့ အတွေးကလဲ တစ်ခါတစ်လေ လာလာပြီး
နှိပ်စက်နေပါသေးတယ်။ ည မိုးရွာပြီဆိုပါက နေရာထ ထရွှေ့ရတာကလဲ ဒုက္ခမသေးဘူးလေ။
အရှင်တို့မှ မဟုတ်ပါဘူး။ နောင်လာမဲ့ ညီတော်နောင်တော်ရဟန်းတော်များလဲ
ဒီလိုပဲ ဒုက္ခ-သော ကတွေ ရှိနေမှာပဲ။ ဒီတော့ အရှင်တို့မှာ ကံပါလာရင်
ရှောင်လွဲလို့မရပါဘူးဆိုတဲ့ အတွေးသံဝေဂနဲ့နေလာခဲ့ ကြတာ နှစ်လပြည့်တော့ မည်
ဆိုပါတော့လေ။
ခုတော့--အရှင်တို့ရင်တွင်းက
သောကစိုးရ်ိမ်ကြောင့်ကြမှုတွေ။ အရှင်တို့ တွေ့ကြုံခံစားနေရတဲ့
တိုက်ကျောင်းလေးရဲ့ ဒုက္ခ အခက်အခဲတွေကို ဖြေရှင်းပေးမဲ့သူ
ပေါ်လာခဲ့ပါပြီ။ ဒီတိုက်ေ ကျာင်းရဲ့သက်တမ်း အိုမင်းမှုကို
ပြန်လည်ပြုပြင်ခြင်းများနဲ့ အစားထိုးဖို့ လမ်းစပေါ်လာခဲ့ပါပြီ။
အရှင်တို့နဲ့အတူ နောင်လာမဲ့မြန်မာရဟန်းတော် များအားလုံး
ဒီတိုက်ကျောင်းလေးနဲ့ ပက်သက်လို့ ဒုက္ခ၊ သောကတွေ မဖြစ်ရအောင် ၀ိဟာရဒါနရှင်ကြီး ပေါ်လာခဲ့ပါပြီ။ မကြာခင်မှာ အားလုံး ၀မ်းသာနုမော် သာဓုခေါ်နိုင်ပါတော့မည်။
ဘယ်သူဆိုတာ မဖော်ပြသေးသော်လည်း အရှင်ရဲ့ရင်ထဲမှာ ကျေးဇူးအနန္တပါလို့ ကုသိုလ်ရှင် ကျောင်းအစ်မ ခေတ်သစ်ဝိသာခါလို
အမျိုးသမီးကို ကျူးရင့်လိုက်ချင်ပါတယ်။ သာဓုတွေလဲ အကြိမ် ကြိမ်
ဟစ်အော်နေပါတယ်။ အရှင်ရင်ထဲမှလဲ----၀မ်းသာမဆုံးပီတိေ တွဖုံး လို့နေပါတယ်။
ခံစားမိတာလေးက--အရှင်ဟာ ဒီတိုက်ကျောင်းလေးမှာ တစ်နှစ်ပဲ
နေထိုင်သီတင်းသုံးမယ့် ပုဂ္ဂိုလ်ဖြစ်သော်လည်း အတ္တကို ခ၀ါချကာ နောင်လာမဲ့
ညီတော်နောင်တော်ရဟနုးတော်များ အခက်အခဲမ ရှိရလေအောင်။ စိတ်ချမ်းသာမှု
မှရှိရလေအောင်။ စိုးရိမ်ကြောင့် သောက ကင်းဝေး ရအောင်။ နောက်---မြန်မာ
ကိုယ်တော်တွေ နေသာနေသွားတယ် ကျောင်းလေးကို ဘာမှပြုပြင်မှု
မလုပ်ခဲ့ဘူးဆိုတဲ့ သီရိလင်္ကာ ဘုန်းတော်ကြီးများရဲ့
အတွေးကဲ့ရဲ့မှုဒဏ်တွေကိုလဲ ကွာကွယ်ပြီး သာဖြစ်ရအောင်။ နောက်--မိမိပခုံးပေါ်
ကျရောက်လာတဲ့ တာဝန်ကို ကျေပွန်စေ ချင်တာရယ်ကြောင့်---ဒီအတွေးစိတ်ကူးလေး
ပေါ်လာရခြင်းဖြစ်ပါတယ်။
ပေါ်လာတဲ့စိတ်ကူးအတွေးလေးကို
အကောင်းဆုံးဖြစ်အောင် ဖော်ဆောင်ဝေငှလိုက်ခြင်းရယ်ပါ။ အားလုံးသော ညီတော်နော
င်တော် မြန်မာရဟန်းတော်များ ၀မ်းမြောက်နုမော် သာဓုခေါ်ကာ
ကျန်းမားရွှင် လန်းနိုင်ကြပါစေ။ ကုသိုလ်ရှင် ကျောင်းအစ်မကြီးလဲ သံသရာစ အပူကင်းပြီး အေးချမ်းသာယာ သော၊ ချမ်းသာခြင်း အတိရှိသော နိဗ္ဗာန်ကို မျက်မှောက်ပြုနိုင်ပါစေလို့----အမေ့မေတ္တာ အရှင်....။
No comments:
Post a Comment