Psychotherapy!
ဒီစကားလုံးလေးက ပညာရှင်တွေရဲ့ သုံးလေ့သုံးထရှိတဲ့ စကားလေးတစ်လုံးဆို မမှားပါဘူး။ ဆိုက်ကိုသရဖီတဲ့-ဆိုလိုတာက ဆေးဝါးနှင့်အခြားဆေးကုသမှုအစား စိတ်ဝေဒနာ၏သဘောကို နားလည်နိုင်အောင် ဆွေးနွေးခြင်းအားဖြင့်ကုသနည်းဖြစ်ပါတယ်။ အရင်တုန်းက ကြားဖူးတဲ့ဆိုပေမဲ့ တစ်ခါမှ မလေ့လာ-မစဉ်းစားခဲ့မိပါဘူး။ အပေါ်ယံ စကားလုံးလောက်မျှကိုသာ ကြားဖူးခဲ့ခြင်းရယ်ပါ။ ခုတော့ အလင်္ကာမြေက-ကေလင်နိယတက္ကသိုလ်-အမ်အေလက်ချာခန်းထဲရောက်မှ လေ့လာခွင့်ရခဲ့ပါတယ်။ အတော်လေးလဲ နားလည်ဖို့ခက်ပါတယ်။ ကိုယ်လဲ မန်းလေး နပသ တက္ကသိုလ်က ဘီအေ ကျောင်းဆင်းတစ်ယောက်ပါပဲ။ ဒါပေမဲ့ ဘီအေ တက်စဉ်က ဒီအတွေးအခေါ်-ပညာရပ်တွေကို သင်ကြားခွင့်-လေ့လာခွင့် မရခဲ့ပါဘူး။ ဒီမှာကတော့ ဒီဂီမျိုးစုံမှာ ဒီအတွေး အခေါ်တွေကို ခေါင်းထဲရောက်အောင် လက်ချာရိုက်နေတယ်ဆိုပါတော့။
ခု--ဒေါက်တာ ၀ါသန္ထ ပို့ချပေးခဲ့တဲ့ The Buddhist Psychotherapy ဆိုတာလေးကို နည်းနည်းပါးပါး မိမိလက်လှမ်းမှီသလောက် ပြန်လည် ရေးချလိုက်ရခြင်းရယ်ပါ။ ဘာမှတော့ မတတ်ပါဘူး။ ဘာမှလည်း မကျွမ်းကျင်ပါဘူး။ သာမန် စာသင်သားတစ်ယောက်ပါ။ သို့သော်-မိမိစာသင်ခန်းထဲမှာ ပင်ပန်းမှုရဲ့ ရလာဒ်ကို မျှဝေပေးခြင်းရယ်ပါ။
ဒေါက်တာက--ဆိုက်ကိုသရဖီဆိုတဲ့စကားလုံးက ဆိုက်ကစ်ဆိုတဲ့ စကားလုံးက ဆင်းသက်လာတာပါ။ ဆိုက်ကစ်-Psychic ဆိုတာက ရုပ်ပိုင်းထက် စိတ်ပိုင်းနှင့်ပိုပြီးသက်ဆိုိင်-ပက်သက်သော လို့ အဓိပ္ပာယ်ရှိပါတယ်။ ဆိုက်ကိုသရဖီဆိုတာကလဲ စိတ်ဖောက်ပြန်ခြင်း-စိတ်ရောဂါဖြစ်ခြင်း တို့ကိုဖြေရှင်းပေးသော အနောက်တိုင်း ဆေးပညာရပ်မှ ခွဲထွက်လာပါတယ်။ စိတ်ရောဂါကုသမှု-ဆိုက်ကိုသရဖီအရ ဒါဟာ ရုပ်ပိုင်းဆိုင်ရာ သဘောလက္ခဏာ (physical aspects)နှင့် စိတ်ပညာ သဘောလက္ခဏာ (psychological aspects) တို့ ပါဝင်-သက်ဆိုင်သော စိတ်ပိုင်းဆိုင်ရာ ဖောက်ပြန်မှုတွေနဲ့ သက်ဆိုင်နေပါတယ်။ ဒီနေရာမှာ ဆိုက်ကိုသရဖီဆိုတာ စိတ်ပိုင်းဆိုင်ရာဖောက်ပြန်မှုတွေနှင့်ဆိုင်သော စည်းမျဉ်းစည်းကမ်းလို့ ဆိုလိုပါတယ်။
ဗုဒ္ဓဘာသာ မှာတော့- စိတ်ပိုင်ဆိုင်ရာ ဖောက်ပြန်မှုအားလုံးကို လောဘ-ဒေါသ-မောဟူသော ကိလေသာသုံးပါးလို့ခေါ်ပါသည်။ တစ်ဖန်-ဗုဒ္ဓဘာသာမှာ အရှေ့တိုင်း-အနောက်တိုင်း ရိုးရာ ဓလေ့ နှစ်မျိုးလုံးနဲ့ ခြားနားသော ခွဲခြမ်းစိတ်ဖြာလေ့လာမှုတွေရှိပါတယ်။ လူ့ဘုံအပါအ၀င် (ကာမ)စိတ် ငါးဆယ့်လေးပါးဖြစ်ပေါ်လေ့ရှိသော နတ်ပြည် ခုနှစ်ဘုံရှိပါတယ်။ အဲ့ဒီထဲမှာ-နှစ်ဆယ့်သုံးပါးကတော့ စိတ် ၀ိညာဉ်ရဲ့ အကျိုးဆက်ဖြစ်ပါတယ်။ နှစ်ဆယ်ကတော့ ကုသိုလ်-အကုသိုလ်နှင့်သက်ဆိုင်ပြီး။ ဆယ့်တစ်ပါးကတော့ လက်တွေ့ကျသော-အခြေခံကျသော စိတ်များဖြစ်ပါတယ်။ အမှန်တကယ်တော့ ဗုဒ္ဓဘာသာရဲ့ စိတ်အယူအဆသည် လူ့ကျင့်ဝတ်နှင့်သာ ဆိုင်ပါသည်။နောက်ထပ် ရုပ်ပိုင်းဆိုင်ရာမှ များစွာသော ခြားနားမှုတွေရှိပါသေးတယ်။
ဒါအပြင်-ကောင်းမှု-မကောင်းမှု၊ ကုသိုလ်-အကုသိုလ်တွေကို ဖော်ပြဖို့အတွက် ဘောဘ-ဒေါသ-မောဟ- အလောဘ-အဒေါသ-အမောဟ- ခြောက်ပါးသော သဘောလက္ခဏာတွေလဲ ရှိပါသေးတယ်။ မကောင်းမှုများကို ပယ်ရှားခြင်းအားဖြင့် မိမိတို့ရဲ့ နေ့စဉ်ဘ၀တွေမှာ လူ့မှုညီညွတ်ရေး၊ ပျော်ရွှင်မှု၊ ကျန်းမာရေးကောင်းမှု စသည့် လောကီအကျိုးများနှင့် လောကုတ္တရာအကျိုးများကို ရရှိစေပါတယ်။ နောက်-စိတ်က လူသားတွေရဲ့ အကျင့်စရိုက်များကိုလဲ လွှမ်းမိုးနေပါတယ်။ ဒါကြောင့် ဓမ္မပဒမှာ-မနောပုဗ္ဗင်္ဂမာ ဓမ္မာ၊ မနောသေဌာ မနောမယာ- စိတ်သည် ကုသိုလ်-အကုသိုလ်တရားတို့၏ ရှေ့သွားခေါင်းဆောင်ဖြစ်ပါသည်-လို့ ဆိုပါသည်။ ဒါကြောင့် မိမိသည် မိမိရဲ့စိတ်ကို ကောင်းစွာ ထိန်းကျောင်းသင့်ပါတယ်။ဘာကြောင့်လဲဆိုတော့ စိတ်သည် တအား ထက်သန်နေပါက ကိုယ်ခန္ဓာကို လေးနက်စွာဖြစ်စေသောကြောင့်ဖြစ်သည်။ ဗုဒ္ဓဘာသာမှာ စိတ်ကျန်းမာမှုအတွက် အပြင်ပိုင်းဆိုင်ရာ သဘောတရားများကို ထိန်းချုပ်နေမဲ့ အစားလူသားတွေရဲ့ စိတ်စွမ်းရည်များကို တိုးတက်မြင့်မားစေခြင်းက လူ့လောက သံသရာ-လောကဓံတရားများကို ကောင်းစွာရင်ဆိုင် ခြင်းဖြစ်ပါသည်။
နောက်ထပ်-စိတ်ပြဿနာတွေကို တွေးတော ဖြေရှင်းဖို့ အဆင့် သုံးခုရှိပါသေးတယ်။ ပထမ- သဘောကျခြင်း-မကျခြင်းကို ဆင်ခြင်သုံးသပ်နိုင်ပါတယ်။ ဒုတိယ-လောဘ-ဒေါသ-မောဟ။ တတိယ-အဘိဇ္ဇာ-ဗျာပါဒ-မိစ္ဆာဒိဌိ တရားများကို သုံးသပ်နိုင်ပါတယ်။ အဲ့ဒီထဲမှာ--ပထမအဆင့်က အကုသိုလ် ကံတရားများ။ ဒုတိယအဆင့်က အကုသိုလ်တရားတို့၏ အရင်းအမြစ် မူလ။ တတိယအဆင့်က-ကြီးထွားလာမှုပါ။ အခု -နောက်ဆုံးအဆင့်က လူ့အဖွဲ့အစည်းမှာ ပြုလုပ်မယ်ဆိုပါက လူ့အဖွဲ့အစည်းကို ထိခိုက်ပျက်စီးစေပါတယ်။ လူသားတွေရဲ့ အသက်တွေ ဆက်လက်ရှင်သန်နိုင်ဖို့ သဘောကျမှု-မကျမှု-ကောင်း-မကောင်းကို ကြိုက်နှစ်သက်-ယူသင့်ပါတယ်။
လောကသဘောတရားက မမြဲသောကြောင့် လူသားတွေဟာ မိမိတို့ကြိုက်နှစ်သက်မှု အရာအားလုံးကို မရနိုင်သလို ၊ မနှစ်သက်တာတွေအားလုံးကိုလဲ မပယ်ရှားနိုင်ပါဘူး။ ဒါကြောင့် လူသားတွေဟာ အမြဲတမ်း စိတ်သောက-တုန်လှုပ်မှုတွေဖြစ်ကြရပါသည်။ ဒီမှာ- လူသားတွေရဲ့ ပြဿနာက သဘောကျမှု-မကျမှု၊ လိုချင်မှု-မလိုချင်မှုတွေကို မကန့်သတ်နိုင်ခြင်း-မထိန်းချုပ်နိုင်ခြင်းပါ။ ဆေးကုစားခြင်းအနေနဲ့-လူသားတွေဟာ ကိုယ်ကျင့်သီလဖြင့် သဘောကျမှု-မကျမှု တွေကို ပထမ ပယ်သတ်သင့်ပါတယ်၊ ရပ်ပစ်သင့်ပါတယ်။ နောက်--လောဘ-ဒေါသ-မောဟ တရားများကို ပယ်သတ်ဖို့ သမာဓိ ရှိလာပါလိမ့်မယ်။ လူသားတွေဟာ သီလ-သမာဓိ-ပညာဖြင့် စိတ်ပိုင်းဆိုင်ရာပြဿနာများကို တစ်ဆင့်ခြင်း ကုစားရပါလိမ့်မယ်။ နောက်ဆုံးတော့-ကျန်းမာခြင်းသည် ကြီးမားသော လာဒ်ကြီးအနေနဲ့ ဗုဒ္ဓဘာသာမှာ လောကီ အကျိုးတရားများကို ရရှိနိုင်ပါတယ်။
သို့သော်လည်း- လောဘ-ဒေါသ-မောဟ အကုသိုလ်တရားများကို ပယ်သတ်ပြီးသော်လည်း စိတ်ကျန်းမာမှု-ချမ်းသာမှု-ငြိမ်းချမ်းမှုကို အပြည့်အ၀ မရရှိနိုင်ပါ။ ဒါကြောင့်-တကယ်စစ်မှန်သော စိတ်ကျန်းမာမှု-ချမ်းသာမှု-ငြိမ်းချမ်းမှုသည် နိဗ္ဗာန်သာဖြစ်သည်-လို့ ဒေါက်တာ ၀ါသန္ထက လက်ချာပေးခဲ့ပါသည်။
အထက်ပါ ဆောင်းပါးသည် အမ်အေ စာသင်ခန်းထဲက လက်ချာ သဘေားတရားမျှသာ ဖြစ်ပါသည်။ ပြည့်စုံမည်မဟုတ်-ကျေနပ်နိုင်မည် မဟုတ်- အမှားကင်းနိုင်မည် မဟုတ်။ သိသူဖော်စား -မသိသူကျော်သွား -ဝေဖန်ထောက်ရှု့ ကာ ကိုယ်ကျန်းမာမှု-စိတ်ချမ်းသာမှုများကို ရရှိနိုင်ကြပါစေလို့--မေတ္တာများစွာဖြင့်-အမေ့မေတ္တာ အရှင်--
No comments:
Post a Comment