အလှူဒါနနှင့်စပ်၍ အားကျမြတ်နိုးဖွယ်ရာလေးများတင်ပြပေးခဲ့တာ
ယ္ခုပို့ရောပါဆို လေးခုမြောက်သို့ရောက်လာခဲ့ပါပြီ ။ ဒီပို့ကိုတော့
လှူတတ်တန်းတတ်စေရန် လွတ်လွတ်ကျွတ်ကျွတ်စွန့်ပြီး လှူဒါန်းတဲ့
သပ္ပုရိသဒါနမျိုးကို ဖော်ပြရေးသားပေးပါဦးမယ်။
* စွန့်လွှတ်၍ လှူဒါန်းခြင်း*
ဗုဒ္ဓဘာသာဝင်မှန်ရင် အလှူဒါနနှင့်မကင်းနိုင်ကြပါဘူး
၊မိရိုးဖလာအစဉ်အလာကြောင့်ပဲဖြစ်ဖြစ်၊ ဒါနရဲ့အကျိုးတရားတွေကို
ကိုယ်တိုင်ကိုယ်ကျ သိရှိနားလည်လို့ပဲဖြစ်ဖြစ်
လှူဒါန်းကြသူတွေချည်းဖြစ်ပါတယ်။ ဒါပေမယ့် ဒါနနှင့်ပတ်သက်၍
ဘုရားရှင်ကိုယ်တော်မြတ်ကြီးက သူတော်ကောင်းဒါနနှင့်
သူတော်မှကိုယ်ကောင်းသူ(မသူတော်တို့)၏ ဒါနဟူ၍ နှစ်မျိုးနှစ်စားရှိကြောင်း
အင်္ဂုတ္ထိုရ်ပါဠိတော် အသပ္ပုရိသဒါနသုတ်မှာ ခွဲခြားဟောကြားထားတော်မူခဲ့ပေသည်။
ထိုတရားတော်များအရ နားလည်ရသည်မှာ........
သူတော်ကောင်းများက အလှူဒါနကို ရိုရိုသေသေပေးလှူကြပေမယ့် ၊မသူတော်တွေကတော့ မရိုမသေမလေးမစား စားချင်ရင်ဝင်စားလေ၊
လိုချင်ရင်ယူသွား၊ အားမနာရင်လည်း ၀င်စားပေါ့ စသည်ဖြင့်ပေးလေ့ကျွေးလေ့ရှိကြပါသတဲ့။
သူတော်ကောင်းတွေက လှူဖွယ်ဝတ္ထုအပေါ်မှာပဲဖြစ်ဖြစ်
အလှူခံပုဂ္ဂိုလ်အပေါ်မှာပဲဖြစ်ဖြစ်လေးလေးစားစားပေးလှူလေ့ရှိကြပေမယ့်
မသူတော်တို့ကတော့ ဂရုတစိုက်လေးလေးစားစားမပေးလှူကြပါဘူ။
မိမိကချမ်းသာလို့သာထောက်ပံ့နေရတာ
စားစရာမရှိလို့သာသနာ့ဘောင်နေနေကြတဲ့ဟာတွေပါလို့
ထင်မြင်ယူဆထားပုံလည်းရမယ်ထင်ပါရဲ့။
သူတော်စဉ်သူတော်ကောင်းတွေက တကယ်စားစေချင်လို့
မိမိလက်နဲ့ကိုခူးခပ်ကျွေးမွေးလှူဒါန်းကြပေမယ့် မသူတော်တွေကတော့
အိမ်ဖော်ကျွန်မနဲ့လွဲထားတာမျိုးပဲ ပြုလုပ်လေ့ရှိကြပါတယ်။
ဦးဇင်းတို့ငယ်ငယ်က ကြားခဲ့ရဖူးသေးတယ်
ကိုရင်တချို့ကိုဆွမ်းလောင်းရမှာပျင်းတဲ့တကာအိမ်တစ်ဦးမှ ဆွမ်းဇလုံထဲ
ဆွမ်းနဲ့ဟင်းနဲ့ထည့်ထားလိုက်တယ် မိမိဖာသာပဲ လိုသလောက်ခပ်ယူသွားကြပါလို့
လျှောက်ထားတယ်ဆိုပဲ ။အလုပ်မအားလို့ဆိုလည်းခံသာသေးတယ်။
အရှင်ဘုရားတို့အတွက်အပိုချိန်မကုန်အောင်လို့တဲ့
လျှောက်ထားပုံကမလေးမစားသဘောမျိုးသက်ရောက်နေတယ်လို့ တွေးမိခဲ့သေးတယ်။
လှူရေးတန်းရေးဆိုိတာက မိမိသံသရာအတွက်ပါကောင်းကျိုးပေးမှာကို နားမလည်လေစွ
၊၀တ္တရားအရသာလှူဒါန်းနေကြပေမယ့်
ပီတိသောမနဿမှာဖြစ်နိုင်ကြပါ့မလားလို့လည်းတွေးမိတယ်လေ။
သူတော်စဉ်တွေက ရှိလို့လှူတာမဟုတ်ပဲ သိလို့လှူတာဆိုတော့
စွန့်ပစ်ပစ္စည်းကိုပေးသလိုလှူတာမဟုတ်ပါဘူး မိမိစားမည့်ဟင်းလျာများကို
သုံးမည့်ပစ္စည်းများကို အဦးအဖျားလှူဒါန်းတဲ့သဘောမျိုးဖြစ်ပေမယ့်
မသူတော်တွေကတော့ ပိုလို့လျုံလို့
မစားချင်လို့စွန့်ပစ်လိုက်သလိုမျိုးလည်းလှူလေ့ရှိကြတယ်တဲ့။
ဒါ့ထက်ပိုအရေးကြီးတာက သူတော်ကောင်းများက
ကံနှင့်ကံ၏အကျိုးကိုယုံကြည်ကိုးစားကြတော့ ကောင်းမှူ၏အကျိုးတရားများ
တန်ပြန်သက်ရောက်လာမှာပဲလို့ စွန့်ပြီးလွှတ်ပြီးပေးလှူတယ်။ ဆိုလိုတာက
အကာလိက-အခါမလင့်အကျိုးပေးတယ်ဆိုတာလို့ မိမိပိုင်ဆိုင်မှုအတ္တနိယ
တစ်နည်းအားဖြင့်အတ္တကိုပယ်ခွါပြီးလှူလိုက်တယ် အလှူပေးသူနဲ့အလှူခံဆိုတာလည်း
အလှုဒါနမဖြစ်စဉ်ကလည်းမရှိခဲ့ဘူး မလှူခင်မှာအလှူရှင်လို့ခေါ်လို့မရပါဘူး
။လှူပြီးပြန်တော့လည်း အစဉ်အလာအရသာ အလှူရှင်အမည်တပ်လိုက်ရပေမယ့် လှူတဲ့
အက်ရှင်ကပြီးဆုံးသွားပြီဖြစ်လို့ အလှူရှင် သို့မဟုတ်အလှူခံဆိုတာ
မရှိတော့ဘူး မမြဲဘူးဆိုတာကို သဘောပေါက်အောင်ဆင်ခြင်ပြီး
လက္ခဏာရေးသုံးတန်တင်ပြီးလှူတယ်လေ။ နောက်ပြီး
ပစ္စည်းဥစ္စာကိုတွယ်ဖက်ဆုပ်ကိုင်ထားရခြင်းကြောင့်
စိုးရိမ်ကြောင့်ကျရမှူတွေကိုပါ အလှူဒါနနှင့်တကွ စွန့်လွှတ်လိုက်ရပြီလို့
အကျိုးတရားများစွာကိုရှူမြင်ပြီးပေးလှူကြပါတယ်။
ဒါပေမယ့် မသူတော်တွေကတော့ ဒါမျိုးတွေနားမလည်ပါဘူး
။သူငါ့အတွက်ဘာလုပ်ပေးနိုင်မလဲ ။ငါသူရော
တချိန်ချိန်ငါများအကူညီလိုခဲ့ရင်ပေးမယ့်လူစားမျိုးလား။ ချက်ချင်းလက်ငင်း
ငါဘာကောင်းကျိုးခံစားရမလဲ ဒါမျိုးလောကီရေးရာဖက်ကနေ
ရှူမြင်သုံးသပ်ပြီးပေးလှူလေ့ရှိကြတယ်။ ဒါ့ထက်ပိုဆိုးတာက
သူတို့တွေကအသံကောင်းတောင်ပိုဟစ်လိုက်သေးတယ်။
ကျုပ်တို့ကအလှူခံမြင်တိုင်းလှူတာမဟုတ်ဘူးဗျို့ သူ့လုပ်ရပ်ကိုကြည့်ရဦးမယ်။
သူက ဘာသာသာသနာအတွက်ဘာများပြန်ပေးဆပ်မှာမို့လို့လဲ …တဲ့
ဒီလိုအယူအဆတွေကြားမှာ ကုလူပဂ လို့ခေါ်တဲ့ လူတွေနဲ့အနေနီးပြီး
အရောတ၀င်ရှိလှတဲ့ ရဟန်းတော်အချို့ကိုပဲ သူတို့ချည်းကပ်လှူဖြစ်ကြပါတော့တယ်။
ကိုယ့်ကိုယ်ကိုချိုးခြံပြီး ရဟန်းတော်တွေထဲက သာမန်ရဟန်းတစ်ပါးအဖြစ်နဲ့
ရဟန်းစစ်ရဟန်းမွန်ဖြစ်အောင်နေထိုင်သီတင်းသုံးကြတဲ့ကိုယ်တော်လေးများခများ
မသေရုံတမယ် ၀မ်းဝရုံဆွမ်းရကြပါတော့တယ်။
ယခုမျက်မှောက်ခေတ်ကိုပဲလေ့လာကြည့်လျှင် မိမိအလှူပဲဖြစ်ဖြစ် နေရာတကာမှာ
မိမိနှင့်ရင်းနှီးကျွမ်းဝင်ရာ
လူပုံအလည်မှာထင်ပေါ်ကြော်ကြားလှတဲ့ဆရာတော်များကိုသာ စုပုံအောကာ
မကုန်နိုင်မခန်းနိုင်လှူဒါန်းကြပြီး နေရာအနှံ့အလှူအတန်းက
မကျယ်ပြန့်တာကိုတွေ့ရမှာဖြစ်ပါတယ်။
တကယ်အလုပ်လုပ်လို့လူတွေကြားပြီးထင်ရှားလာတာတို့ ရှေးအတိတ်ဘုဉ်းကံတို့ကြောင့် ခွေးကြောင်ပါမကျန်
ဝလင်ပြီးလျံပယ်နေလို့သွန်ပစ်ရတာကတစ်မျိုးနော်
အခုတင်ပြပေးတဲ့သဘောက ဒါယကာတွေသဘောထားက အလှူအတန်းမှာ
ချဉ်းကပ်လှူဒါန်းကြပုံလေးကို မြင်သာရုံပြောပြကြတာပါ။
မိမိစာသင်တိုက်နေခဲ့စဉ်က တောရပ်မှမြို့ကိုစာသင်ကြွလာကြတဲ့
စာသင်သားကိုရင်ငယ်များကို လိုက်လံဆွမ်းရပ်အိမ်ဖိတ်ပေးဖူးပါတယ်။
တချို့အိမ်များကတော့ အမှန်တယ်ကိုသံဃာမျာလို့လက်မခံနိုင်ကြတော့ဘူး။
များဆိုသကောလို့လည်းလှူဒါန်းနိုင်ကြလို့များရတာမဟုတ်ပါဘူးတဲ့
အနယ်နယ်အရပ်ရပ်က အသိမိတ်ဆွေတွေက ကျမကိုယ်တော်လေးလည်းကြည့်ရှူစောင်မပါဦး
ဆွမ်းကွမ်းလေးတာဝန်ယူပါဦးနဲ့ ယောက်ျားဖက်က မိန်းမဖက်က
ဆွေမျိုးတွေကချိတ်ဆက်ပေးလိုက်လို့ စသည်နဲ့
သံဃာနှစ်ဆယ်ကျော်သုံးဆယ်များသွားရတာတွေရှိတယ်လို့လျှောက်ကြပါတယ်။
ဒါလည်းလောကထဲနေတော့လောကီလှူမှူရေးသဘောတွေဆန်သွားရတာပေါ့လေ ဘယ်သူ့မှတော့အပြစ်ပြောလို့မရဘူး
ဒါပေမယ့် ဘုရားညွှန်ပြတဲ့သပ္ပုရိသဒါနမျိုးထဲတော့ပါချင်မှပါတော့မှာလေ မကောင်းတတ်လို့လှူနေရရင်တော့ အကောင်းစားအလှူထဲမှာမပါတော့ပါဘူး။
ဒါ့ထက်ပိုဆိုးတာက တချို့အိမ်တွေဆို
အိမ်အခြေနေကလည်းတိုက်တာအိုးအိမ်ပြည့်စုံတယ်။
ဆွမ်းရပ်တဲ့ကိုယ်တော်တွေဘယ်နှစ်ပါးတုန်းလို့မေးကြည့်ပြန်တော့လည်း တစ်ပါးတဲ့
ဒါဆိုတကာမကြီးရယ် ဒီနောက်ကကိုယ်ရင်လေးအတွက်လည်း ဆွမ်းကွမ်းတာဝန်ယူပေးပါဦး
။တကယ်စစ်မှန်တဲ့ကူညီမှူပေးပြီး သာသနာရေး အားပေးရာလည်းရောက်ပါတယ်။
နောင်တချိန်ပညာအကျော်ဆရာတော်ကြီးများဖြစ်သွားရင်လည်း
သူဟောသမျှပြောသမျှကုသိုလ်တော်တွေ တကာမကြီးနဲ့ဆိုင်ပါလိမ့်မယ်
စသည်ဟောပြောလမ်းညွှန်ပြပြီး ဆွမ်းခံတစ်အိမ်မှရရ ကြိုးစားပြောပေးပေမယ့်
တပည့်တော်မတို့က တစ်ပါးဆိုတစ်ပါးပဲ
ကိုယ့်သားလေးလိုပြုစုစောင့်ရှောက်ချင်ပါတယ်ဘုရား
သံဃာများရင်ဗရုတ်သုက္ခတွေပါလာမယ်။ ဆွမ်းခံကိုယ်တော်လည်းရှိပြီးသားမို့
လက်မခံနိုင်ပါဘူးတဲ့။
ဘယ်လိုပဲဖြစ်ဖြစ်
ပုဂ္ဂိုလ်စွဲနဲ့လှူဒါန်းနေပြန်ရင်လည်းမကောင်းပြန်တော့ဘူး။ အလှူဒါနမှာ
စစ်မှန်တဲ့သပ္ပုရိသဒါနဖြစ်အောင် အယူအစွဲကင်းတဲ့အလှူဒါနဖြစ်မှကောင်းမှာလေ။
*စွန့်ပြီးလွှတ်တဲ့ ဘုရားအလိုတော်ကျအလှူ*
အထက်ကပြောခဲ့သလို တချို့ဒါနတွေက စွန့်တော့စွန့်လိုက်တယ်
မျက်မှောက်လောကီကျိုးတွေပြန်မျှော်နေလို့ မလွှတ်သေးပါဘူး
ပြန်ငြိတွယ်နေပြန်တယ်။ ဒီကိုယ်တော်လေးက
ငါတို့အတွက်ဘာများပြန်ဆောင်ရွက်ပေးပါလိမ့်လို့ မျှော်လင့်ချက်နဲ့
လှူခြင်းတွေလည်းဖြစ်နေတတ်တယ်လေ။ ဒါနဲ့ပတ်သက်လို့ မဇ္ဈိမနိကာယ်
ရထ၀ိနီတသုတ်အဖွင့်အဋ္ဌကထာမှာ ဆရာတကာဆက်ဆံရေးအမျိုးအစားမှာ(၄)မျိုးရှိကြောင်း
ဖွင့်ပြထားတော်မူပါတယ်။
၁။ ဂါဟဂါဟက =အပြန်အလှန်ငြိကပ်တွယ်တာကြသော ဆက်ဆံခြင်း
၂။ဂါဟမုတ္တက=တကာဖက်ကမျှော်လင့်ချက်ဖြင့်ဆက်ဆံသော်လည်း ဆရာဖက်ကအငြိကပ်မခံခြင်း
၃။ မုတ္တဂါဟက=တကာဖက်ကသံယောဇဉ်မတတ်ပေမည့် ဆရာဖက်ကကိလေသာဖြင့်နှောင်ဖွဲ့နေခြင်း
၎။မုတ္တမုတ္တက=နှစ်ဦးနှစ်ဖက် ချီနှောင်မှူကင်းစွာဆက်ဆံကြခြင်း
ဆိုပြီး လေးမျိုးလေးစားပြထားပါတယ်
ဂါဟဂါဟက-ဆိုတာကတော့ အချို့သောတကာတကာမတို့သည် အဂ္ဂဒက္ခိဏေယျ
မြတ်သောအလှူခံဖြစ်သောကြောင့်ပေးလှူကြသည်မဟုတ်ချေ၊
ရဟန်းတော်များဟောကြားပြသမည့် ဒါန သီလ ၀ိပဿနာနှင့်စပ်သောတရားစကားကိုလည်း
လက်တွေ့အကျိုးလောက်စိတ်မ၀င်စားကြပဲ
လောလောဆယ်
အပေးအယူအကူညီရယူလိုသောစိတ်ထားဖြင့်သာ လှူဒါန်းပေးကမ်းကြလေသည်။
ထိုတကာတကာမမျိုးတို့သည် သံဃာတော်များထံ ပိုက်ဆံလာချေးငှါးကြခြင်း
၊အကူညီတောင်းကြခြင်းစသည့်လောကီကိစ္စရေးရာများနှင့်
ဘုရားသားတော်များကိုလှူမှူဆက်ဆံရေးနယ်ပယ်ထဲမှာ ဆွဲထည့်ကြသည်ချည်းပင်။
မိမိစာသင်တိုက်နေခဲ့စဉ်က ဖြစ်ရပ်တခုအမှတ်ရမိသေး၏။ ဦးကုသလဟုခေါ်သော
ဦးဇင်းလေးတစ်ပါးမှာ ဆွမ်းခံအိမ်ကပိုက်ဆံချေးပါသတဲ့
။ကိုယ့်ဆွမ်းတကာမဆိုတော့လည်း ဆွမ်းတော့လာအလှူခံပြီး
အခက်ခဲရှိလို့မကူညီတော့မကောင်းဘူးလေ။ ဒီတော့ချေးပေးလိုက်ရတယ် ။ဒါပေမယ့်
သူများတွေစာမေးပွဲပြီးလို့ရွာပြန်ကြတော့ သူ့ခမျာ တကာအိမ်ကလည်းပြန်လာမပေး
၊ဆွမ်းတကာမဆိုတော့လည်းဖွင့်ပြောတောင်းရအခက်နဲ့
ရွာပြန်ရမယ့်ခွင့်ရက်သာစေ့သွားတယ် စိတ်မချမ်းသာစွာနဲ့
ပြန်ခွင့်မရတော့ပါဘူး။
နောက်တစ်ပါးကတော့
ဆွမ်းခံအိမ်ကချဲအကွက်ကြီးပေါက်ရာ ဒိုင်ကမလျော်ပေးပဲထွက်ပြေးသဖြင့်
ဆွမ်းခံကြွတဲ့ကိုယ်တော်ကိုအတူညီတောင်းပါသတဲ့
ဒါနဲ့အဲဒီဒိုင်ခံတဲ့တကာအိမ်သွာြး့ပီး ကျုပ်နောက်မှာကျောပဲရှိတယ်
ခင်များမှာသားတွေသမီးတွေနဲ့
ကျုပ်တကာမပေါက်တဲ့ဟာကိုပေးရင်ပေးပေတော့မပေးလို့ကတော့ အသိပဲဆိုပြီး
ဓားကြိမ်းသွားကြိမ်းသတဲ့ ။
မန္တလေးက
ကားပွဲစားတစ်ဦးမှ ဆရာတော်ကြီးများဆီကပါမစ်ရဖို့ လာဘ်လာဘနဲ့ ချဉ်းကပ်လာတာ
ကိုယ်တွေ့ကြုံခဲ့ရဖူးပါတယ်။
ဖြစ်ပုံကမိမိရဲ့ဆရာသမားကျောင်းဝင်းကလည်းတော်တော်လေးနေရာကျယ်နေတယ်။ကျောင်းမျက်စောင်းထိုးလောက်မှာလည်း
ကားပွဲစားသူဋ္ဌေးကြီးတိုက်ကလည်းရှိနေတာပေါ့ ။ဒီတော့ ရောင်းဝယ်တဲ့ကားတွေကို
ကျောင်းဝင်းထဲထားချင်တော့ ပထမမုန့်ပုံးလေးလာလှူလိုက်
၊ကောင်းနိုးရာရာပစ္စည်းလေးတွေလှူလိုက်နဲ့ ရင်းနှီးလာတာနဲ့
ကျောင်းဝင်းထဲမှာကားထားခွင့်တောင်းပါတော့တယ်။ အစပထမတစ်စင်း နောက်နှစ်စင်း
သုံးလေးစင်းရောက်လာပါတယ်။
နီးစပ်ရာကားပွဲစားတွေများလာထားကြလေသလားတော့မပြောတတ်ဘူး။ ဒီတော့
ဒီလိုအခြေနေတွေမှာ ဆရာတော်ကြီးများလည်း အငိုက်မိသွားရတော့တာပဲ ဆရာဆိုတာလည်း
တကာကိုမှီနေရတာလေ ။ တကာလိမ္မာမှ ဆရာအာပတ်လွတ်ဆိုတာလို တကာများဖက်ကလည်း
သံဃာတော်များကို စီးပွားရေး၊လှူမှူရေးတွေမှာ ခုတုံးလုပ်အသုံးချဖို့မဟုတ်ပဲ
ကုသိုလ်ရေးသံသရာရေး သာသနာရေးးသက်သက်ဖြင့်သာချဉ်းကပ်သင့်ကြတာအမှန်ပါပဲ။
ဒီလိုမှမဟုတ်ပဲ အကျိုးလိုလို့ညောင်ရေလောင်းရင်တော့
မိမိတို့လိုလားတဲ့လောကီအကျိုးကတော့ ချက်ချင်းကိုရမှာပဲ ။ဒါပေမယ့်
မိမိရှေ့မှာ စစ်မှန်တဲ့ဘုရာသားတော်ကြီး ၀ိနည်းလေးစားတဲ့
သူတော်စင်ကြိးငုတ်တုတ်ထိုင်နေတာတောင်မှ
တကယ့်ရဟန်းကောင်းရဟန်းမြတ်ကိုတွေ့ရမှာမဟုတ်တော့ပါဘူး။
သူတို့ဟောပြမယ့်သံသရာကောင်းကြောင်းတွေလည်းနားထဲမ၀င်ဘူးလေ
မိမိကစီးပွားရေးသမီးသားရေးပဲစိတ်ရှိတာကို။
မိမိကအရက်ဆိုင်ဖွင့်လိုက်ရင် အရက်သမားပဲ ဆိုင်ထဲဝင်လာကြသလိုပဲ
အများအားဖြင့်တော့ အဲလိုအကျိုးမျှော်တဲ့တကာအတွက်
အဲလိုလောကီကျိုးတွေပေးမယ့်ကိုယ်တော်တွေကတော့ သေချာပေါက်ရောက်လာမှာပါပဲ
ချိပ်ချိပ်ခြင်းမှ ချိတ်လို့ရတာကိုး။ ကိုယ်တော်များဖက်ကလည်း
မိမိကိုယ်တိုင်ရဟန်းတရားများအားထုတ်ခြင်း၊ တကာတကာမများသံသရာခရီးမှာ
ရှောင်ရန်ဆောင်ရန်တွေဟောပြောပြသခြင်းဖြင့် ရဟန်းအလုပ်ကိုမလုပ်ကြပဲ
မိမိအားလှူချင်တန်းချင်အောင် ၊မိမိနှင့်ရင်းနှီးခင်မင်အောင် သစ်သီးပေးခြင်း
ပန်းပေးခြင်း၊ ငွေချေးခြင်း ၊အစေအပါးလုပ်ခြင်း၊ ဗေဒင်ဟောခြင်း
ဆေးကုခြင်းစသည်ဖြင့် လူမှုကိစ္စတွေမှာဆောင်ရွက်ရင်းနဲ့
လူတွေနဲ့ပြန်လည်ငြိကပ်နေကြပြန်တယ်။
ဒီလိုအတိုင်အဖောက်အတွဲညီနေတဲ့ ဆရာတကာမျိုးကိုတော့ ဂါဟဂါဟက လို့ခေါ်ပါတယ်၊အပြန်ပြန်အလှန်လှန်ငြိကပ်တွယ်တကြသူတွေပေါ့။
နှစ်နံပါတ် ဂါဟမုတ္တကဆိုိတာကတော့
တကာဖက်ကထိုကဲ့သို့အကျိုးလိုလားလို့ချဉ်းကပ်လှူဒါန်းနေပေမယ့်
ဆရာကပြန်လည်တွယ်တာမှူ လှူမှုကိစ္စများမှာပါဝင်ဆောင်ရွက်နေမှူမရှိပဲ
လွတ်လွတ်ကင်းကင်းပဲနေတတ်ကြပါတယ်။ ကြာတော့လည်း သံဃာစစ်စာရင်းထဲထည့်ကာသာ
မကောင်းလို့ဆက်လက်ဆွမ်းလောင်းလှူရတဲ့ကိုယ်တော်မျိုးဖြစ်သွားတယ်။
မိမိအပေါ်ကောင်းပြီး ဆေးရုံဆေးခန်းအထိ ကိုယ်ဖိရင်ဖိလိုက်စောင့်ရှောက်ပေးတဲ့
ဒို့ကိုယ်တော်စာရင်းတော့မ၀င်တော့ဘူးပေါ့။ ဒါပေမယ့် အဲဒီဘာမဟုတ်တဲ့
ဆွမ်းတစ်ဇွန်းလေးက ဒို့ကိုယ်တော်ကိုလှူတဲ့ သိန်းချီသောင်းချီဒါနတွေထက်
အဆများသာအကျိုးကြီးနေတယ်ဆိုတာကတော့ သံသရာခရီးကျမှပဲ
ရိပ်မိကောင်းရိပ်မိမယ်ထင်ပါရဲ့။
ဒီလိုတကာကလောကီရေးအတွက်ချဉ်းကပ်လှူဒါန်းပြီး ဆရာကသူ့အလုပ်သူလုပ်နေတာကိုတော့ ဂါဟမုတ္တက ဆက်ဆံရေးပေါ့။
၃။ နံပါတ်သုံး မုတ္တဂါဟက-ဆိုတဲ့ ဆက်ဆံရေးကတော့ တကာဖက်က
သံသရာအတွက်ချဉ်းကပ်လှူဒါန်းတယ် ၊ဆရာဖက်ကမပြည့်ဝတဲ့သူဖြစ်နေလို့
သံသရာကောင်းကြောင်းလမ်းမညွှန်နိုင်ဘူး သူလုပ်နေကျ
သစ်သီးပေးခြင်းပန်းပေးခြင်းစတဲ့အလုပ်တွေနဲ့ပဲ လောကီရေးရာချီးမြှောက်တာပေါ့ ။
ဒါပေမယ့်တကာကတော့လှူမြဲတမ်းမြဲပါပဲ အင်းဒီကိုယ်တော်ကိုမျက်မှောက်ဘ၀အတွက်
ဆက်ဆံရမယ်။ ဟိုသံဃာတော်တွေဟောတရားကိုလည်းနာယူမှတ်သားပြီး
ကျင့်ကြံလိုက်နာမယ်လို့ ဒီလိုခွဲခြားသတ်မှတ်ပြီး ဆည်းကပ်ပါသတဲ့။
ဒါနဲ့ပတ်သက်လို့ တကာမကြီးတစ်ယောက်လျှောက်ထားခဲ့ဖူးတာ အမှတ်ရမိဖူးတယ်။
ပစ္စုပ္ပန်ဘုန်းကြီးနဲ့ သံသရာဘုန်းကြီးဆိုတာ ဘာကိုပြောတာလဲဘုရား…တဲ့
ဒါနဲ့ သာလွန်မင်းကြီးအကြောင်းအနည်းငယ်ပြောပြလိုက်ရပါတယ်။
သာလွန်မင်းကြီးအင်းဝသို့ရောက်ပြီး ကုသိုလ်ကောင်းမှုများ ဆောင်ရွက်နေစဉ် ညီတော်အိမ်ရှေ့မင်း
မင်းရဲကျော်စွာ ကွယ်လွန်သဖြင့် သားတော်
ပင်းတလဲမင်းသားအား အိမ်ရှေ့အရာပေးလိုက်ရာ နန်းရဖို့ မျှော်မှန်းထားသည့်
အမြင့်စားရှင်တရုတ်က လူသူစုစောင်းကာ ပုန်ကန်ပါသတဲ့။
သာလွန်မင်းကြီးလည်း
အငိုက်မိကာ အားမတန်သဖြင့် လေးထပ်ကျောင်းဆရာတော်ထံ
ဝင်ရောက်ပုန်းအောင်းခိုလှုံခွင့်တောင်းရာ လူတစ်ယောက်ကိုဝှက်ထားရတဲ့
ခိုးကြောင်ခိုးဝှက်အလုပ်ဟာ ရဟန်းသီလအတွက်သံသယပွားဖွယ်ရှိတာကြောင့်
လေးထပ်ကျောင်းဆရာတော်ကြီးက ခိုလှုံခွင့်မပေးချေ။
ထို့ကြောင့် စံကျောင်းသို့သွားရောက်အကူညီတောင်းမှ စံကျောင်းဆရာတော်မှာ
လောကီဆန်သည့် ပွဲကျောင်းဆရာတော်ဖြစ်သည့် အတွက်နောက်ပါရဟန်းများကို စုစည်းကာ
တုတ်ဓါးလက်နက်များဖြင့် သာလွန်မင်းနှင့် မှုးမတ်များကို
စောင့်ရှောက်ပေးသည်။ နောက်မှ ထိုရှင်တရုပ်ကိုနှိမ်နင်းပြီး ထို့နောက်မှ
လေးထပ်ကျောင်းနှင့် စံကျောင်းတို့တွင် အလှုကြီးများပေးကာ
လေးထပ်ကျောင်းဆရာတော်ကို သံသရာဆရာတော် ၊
စံကျောင်းဆရာတော်ကို ပစ္စုပ္ပန်ဆရာတော်ဟူ၍ ခေါ်ဝေါ်ချီးကျူးခဲ့ကြောင်း ရှင်းပြခဲ့ရပေသည်။
ထို့ကြောင့် အသိညာဏ်ကြီးမားသောတကာများသည်
သံဃာအားလုံးကိုကြည်ညိုနိုင်ကြသည့်ထုံးကိုနှလုံးမူကာ အလှူဒါကကိုကား
သံဃာအမှတ်ဖြင့်သာ အားလုံးပေးလှူကြရမည်ဖြစ်၏။ တကာကတကာအလုပ်လုပ်၍
ဆရာကလောကီဆန်နေလျှင်တော့ မုတ္တဂါဟက ဆက်ဆံနည်းဟု မှတ်သားနားလည်ရမည်ဖြစ်၏။
နောက်ဆုံးလိုက်နာမှတ်သားးသင့်ကြသည့် ဘုရားအလိုတော်ကျ ဆက်ဆံနည်းသည်ကား
မုတ္တမတ္တကဆက်ဆံနည်းဖြစ်ပေ၏။ မုတ္တမုတ္တကဆိုသည်မှာ တကာကလည်းတကာအလုပ်လုပ်၍
ကုသိုလ်အရေး သံသရာအရေး သာသနာအရေးအတွက် လှူဒါန်းထောက်ပံ့သလို ဆရာကလည်း
မိမိကိုယ်တိုင်လူတို့နှင့်မငြိကပ်အောင်ကျင့်ကြံနေထိုင်ပြီး
ဒါယကားများကုသိုလ်တိုးပွားကြောင်းကိုသာ လမ်းညွှန်ပြသဆုံးမရမည်ဖြစ်၏။
ထိုဆက်ဆံရေးမျိုးကို ဘုရားရှင်ကိုယ်တော်တိုင်ပင် ကဿပသံယုတ် စန္ဒူပမသုတ်တော်မှာ..
“
ရဟန်းတို့
လနှင့်တူစွာ ကိုယ်စိတ်ကို ထိန်းချုပ် ၍သာလျှင် အချင်းခပ်သိမ်း ဧည့်သည်ပမာ
ဖြစ်ကုန်လျက် ဒါယကာတို့၌ (ကိုယ် နှုတ် စိတ်တို့ဖြင့်) ကြမ်း ကြုတ်မှု
မရှိကုန်ဘဲ ဒါယကာတို့သို့ ချဉ်းကပ်ကြကုန်လော့။
ရဟန်းတို့ ဥပမာသော်ကား ''ယောက်ျား သည် ရေတွင်းဟောင်းကိုလည်းကောင်း၊
မညီညွတ်သော တောင်ကိုလည်းကောင်း၊ မြစ်ကမ်းပါးပြတ်ကိုလည်းကောင်း
ကြည့်သည်ရှိသော် ကိုယ်စိတ်ကို ထိန်းချုပ်၍သာလျှင် ကြည့်ရာသကဲ့သို့''
ရဟန်းတို့ ဤ ဥပမာအတူ လနှင့်တူစွာ ကိုယ်စိတ်ကို ထိန်းချုပ်၍သာလျှင်
အချင်းခပ်သိမ်း ဧည့်သည်ပမာ ဖြစ်ကုန်လျက် (ကိုယ် နှုတ် စိတ်တို့ဖြင့်)
ကြမ်းကြုတ်မှု မရှိကုန်ဘဲ ဒါယကာတို့ကို ချဉ်းကပ်ကြကုန်လော့”
ဟူ၍အတိကျညွှန်းကြားဆုံးမထားတော်မူခဲ့ပေသည်။
ထိုသုတ်တော်မှာပင် တရားဟောတော်မူရင်းလက်ကိုကောင်းကင်ထက်၌ ဝှေ့ယမ်းပြတော်မူကာ
''
ဝှေ့ယမ်းအပ် သော ဤလက်သည် ကောင်းကင်၌ မငြိကပ်မစွဲလမ်း မဖွဲ့ယှက်သကဲ့သို့''
ဤအတူသာလျှင် ဒါယကာတို့သို့ ချဉ်းကပ်သော တစ်စုံတစ်ယောက်သော ရဟန်း၏ စိတ်သည်
''လာဘ်ကို အလိုရှိသော သူတို့သည် လာဘ်ရစေကုန်သတည်း၊ ကောင်းမှုကို အလိုရှိသော
သူတို့သည် ကောင်းမှုကို ပြုစေကုန်သတည်း''ဟု ဒါယကာတို့၌ မငြိကပ်မစွဲလမ်း
မဖွဲ့ယှက်ဘဲ ''မိမိ လာဘ်ရခြင်းဖြင့် ဝမ်းမြောက်နှစ်သက်သော စိတ်ရှိ
သကဲ့သို့'' ဤအတူ သူတစ်ပါးတို့ လာဘ်ရခြင်းဖြင့် ဝမ်းမြောက် နှစ်သက်သော
စိတ်ရှိ၏။ ရဟန်းတို့ ဤသို့သဘောရှိသော ရဟန်းသည် ဒါယကာတို့သို့
ချဉ်းကပ်ခြင်းငှါ ထိုက်၏”ဟုမိန့်တော်မူခဲ့လေသည်။
ထို့ကြောင့် ဆရာဖက်ကရော တကာဖက်ကပါ အနှောင်အဖွဲ့မရှိမူ၍ ပေးလှူကြခံယူကြမှသာ
ဘုရားရှင်အလိုတော်ကျ မုတ္တမုတ္တက ဆက်ဆံနည်းမျိုးဖြင့် တကာများဖက်မှလည်း
မြတ်သော သပ္ပုရိသဒါနကို လှူဒါန်းခွင့်ရနိုင်ကြမည်ဖြစ်၏။
http://lankarashin-monywa.blogspot.com/2012/03/blog-post_3331.html
* သီရိလင်္ကာမှ မြတ်သောအလှူရှင်နှင့် မြတ်သောအလှူခံပုဂ္ဂိုလ်*
စာဖတ်သူတို့ ကြည်ညိုလေးစားအားကျဖွယ် သီရိလင်္ကာမှ စူဠပိဏ္ဍပါတိယတိဿမထေရ်ဆိုတဲ့
သံဃာတော်တစ်ပါးနှင့် ဆွမ်းဒါယိကာမကြီးတို့ဝတ္ထုကို တင်ပြပေးပါဦးမယ်။
သီရိလင်္ကာက ဥပါသိကာမကြီးတစ်ဦးသည် သံဃာတော်လေးတစ်ပါးအား
နေ့စဉ်ဆွမ်းဝတ်ပြုစုခဲ့သည်မှာ
(၁၂)နှစ်တိုင်တိုင်ပင်ကြာညောင်းခဲ့ပါသတဲ့။ဒီလောက်နေ့စဉ်မပြတ်ဆွမ်းခံကြွနေတာတောင်မှ
ဥပါသိကာမကြီးကလည်း အကူအညီတစုံတရာမတောင်းခံဖူးဘူးတဲ့ ။ဟုတ်တယ်လေ
ကိုယ်ကသူ့ဆီကမျှော်လင့်ချက်တစုံတစ်ရာနဲ့ လှူဒါန်းနေတာမှမဟုတ်တာပဲ ။
၁။ ဒါနံ သဂ္ဂဿ သောပါနံ = ဒါနကုသိုလ်ဟာနတ်ပြည်ရောက်ကြောင်း စောင်းတန်းကြီးသဖွယ်ဖြစ်တယ်။
၂။ ဒါနံ ပါထေယျ မုတ္တမံ = ဒါနကုသိုလ် ပြုတဲ့သူဟာ သူရောက်ရာ လူ့ဘဝ နတ်ဘဝမှာ အကောင်းဆုံး အမြတ်ဆုံးဖြစ်တဲ့
အသုံးအဆောင် စားနပ်ရိက္ခာတွေ သုံးစားပေးလှူလို့ မကုန်နိုင်အောင် ပေါများကြွယ်ဝ ချမ်းသာရပါလိမ့်မယ်။
၃။ ဒါနံ ဥဇုဂတံ မဂ္ဂံ = ဒါနကုသိုလ်ဟာ ချမ်းချမ်းသာသာနဲ့ နိဗ္ဗာန်သွားကြောင်း အကောင်းဆုံး အဖြောင့်ဆုံး
လမ်းမကြီးလည်း ဖြစ်ပါတယ်။
၎။ ဒါနံ မောက္ခ ပဒံ ဝရံ = ဒါနကုသိုလ်ဟာ အမြတ်ဆုံးဖြစ်တဲ့ မဂ် ဖိုလ် နိဗ္ဗာန်ကို ရယူခံစားနိုင်တဲ့ အကြောင်းထဲမှာဖြင့်
မုခ်ဦးလမ်းကြောင်းကြီးဖြစ်တယ်ဆိုတဲ့အတိုင်းပါပဲ ထိုတကာမကြီးကလည်း ကံကံ၏အကျိုးကိုယုံကြည်ပြီး
ဝိ၀ဋ္နနိဿိတဒါနကဖြစ်အောင်လှူဒါန်းလာခဲ့တာဖြစ်ပါတယ်။
ရဟန်းတော်လေးဖက်ကလည်း ဆယ့်နှစ်နှစ်ကြာမျှ
နေ့စဉ်ဆွမ်းခံကြွနေခဲ့တာတောင်မာကြောင်းသာကြောင်းလောကီရေးရာတွေ
မေးမြန်းမနေပါဘူးတဲ့ ၊
ဒါပေမယ့် ဒါနကထာတို့
သီလကထာတို့ ကြည်နူးဝမ်းမြောက်ဖွယ်ရာတို့အနည်းအကျဉ်းဟောပြတယ်။ နောက်ပြီး
သီလဆိုတာက မီးတွေကူးမလားအောင် မီးတားပေးတာ၊ ဘာဝနာက
မီးကိုနိုင်အောင်ငြိမ်းသတ်တာ။ ဒါနဆိုိတာက မီးလောင်အိမ်ထဲက
ရရာပစ္စည်းဆွဲထုတ်ရတာလို့လည်း ဒါနသီလဘာဝနာသုံးဖြာစုံဖို့
ဟောပြတော်မူခဲ့တာတွေလည်းပါဝင်တာပေါ့။
မှန်ပါတယ် ဘ၀ဆိုတာကလည်း
(၁) ရာဂမီး - တပ်မက်ရသဖြင့် ပူလောင်ခြင်း။
(၂) ဒေါသမီး - စိတ်ဆိုး အမျက်ထွက်ရသဖြင့် ပူလောင်ခြင်း။
(၃) မောဟမီး - အမြင်မှန်ကို မသိရသဖြင့် ပူလောင်ခြင်း။
(၄) ဇာတိမီး - ပဋိသန္ဓေ နေရပြီး ဘ၀အသစ်ဖြစ်ရသဖြင့် ပူလောင်ခြင်း။
(၅) ဇရာမီး - အိုမင်းရင့်ရော်ရသဖြင့် ပူလောင်ခြင်း။
(၆) မရဏမီး - သေကျေပျက်စီးရသဖြင့် ပူလောင်ခြင်း။
(၇) သောကမီး - ပူဆွေးမှု၊ စိုးရိမ်ကြောင့်ကြမှု များရသဖြင့် ပူလောင်ခြင်း။
(၈) ပရိဒေ၀မီး - ငိုကြွေးရသဖြင့် ပူလောင်ခြင်း။
(၉) ဒုက္ခမီး - ကိုယ်ဆင်းရဲခြင်းကြောင့် ပူလောင်ခြင်း။
(၁၀) ဒေါမနဿမီး - စိတ်ဆင်းရဲ ရခြင်းကြောင့် ပူလောင်ခြင်း။
(၁၁) ဥပါယာသမီး - သက်ကြီး ရှိုက်ငင်ဖြစ်ရခြင်းကြောင့် ပူလောင်ခြင်း
ဆိုတဲ့မီးဆယ့်တစ်ပါးက မရပ်မနားလောင်နေတာလေ၊
အဲဒီမီးတွေငြိမ်းသွားဖို့ တရားဘာဝနာကိုလည်းပွားရမယ်။မီးတောက်ကြီးမလာအောင်
မီးလောင်ရာလေမပင့်မိစေဖို့ သီလနဲ့လည်းကာကွယ်ရမယ်။ မီးလောင်ပြင်ထဲကနေ
ရသမျှလေးလည်းဆွဲထုတ်ရဦးမှာပဲ ဆွဲမထုတ်ပဲ မီးပဲငြှိမ်းနေရင်
မီးနိုင်အောင်ငြှိမ်းနိုင်ရင်တော်ရဲ့
မနိုင်ရင်အကုန်ပြာကျမှာ။သူခိုးခိုးတာကမှ အ၀တ်စုတ်ကျန်အုံးမယ်။
မီးလောင်သွားရင် ဘာမှကျန်မှာမဟုတ်တော့ဘူးလေ။ ဒီတော့ ပစ္စည်းလေးတွေလည်း
ရသမျှဆွဲထုတ်ရတာမလား။ အခုခန္ဓာမီးပုံကြီးထဲကနေလည်း
ဒါနထုတ်လေးတွေရအောင်ဆွဲထုတ်ရမှာပဲ ဒါမှသံသရာမှာ
သူများစားချိန်သောက်ချိန်မျှော်ကြည့်မနေရမှာ။ ချမ်းသာသုခအတိပြီးတဲ့
အိမ်ကြီးရခိုင်ဆောက်ပြီးလည်းစိတ်အေးလက်အေးနေနိုင်မှာလေ။
ဒီလိုတရားမျိုးတွေနာကြားရတဲ့ဥပါသိကာမကြီးကလည်း သံသရာအေးရာအေးကြောင်းသာ
တရားဘာဝနာလည်းလုပ်သီလလည်းမြဲ ဒါနလည်းစွဲပြီးလှူဒါန်းနေတာပေါ့။
ဒါပေမယ့်တစ်နေ့ကျ ထိုမီးဆယ့်တစ်ပါးတရားထဲကအတိုင်း
သူတို့နေတဲ့ရပ်ကွက်ကိုမီးထလောင်ရာ အိမ်ခြေတော်တော်များများပါသွားခဲ့ပါတယ်။
ထိုရပ်ကွက်မှာဆွမ်းခံကြွကြတဲ့
သံဃာတော်အားလုံးဝိုင်းဝန်းကူညီကြဖို့ အားပေးကြဖို့
တပြိုင်နက်ရောက်လာကြတယ်။ ကူညီပေးကြတယ်
။သူတို့ဆွမ်းလောင်းလှူခဲ့တဲ့ကိုယ်တော်များက ဒီအချိန်မှာအားထားရပြီလေ။
အဲဒီမီးထဲမှာ ထိုဆွမ်းဝတ်ပြုနေတဲ့ဒါယိကာမကြီးအိမ်လည်းမီးထဲပါသွားတာ
အုပ်နံရံလေးမျှသာကျန်တော့သတဲ့လေ။ ရသမျှအတွင်းပစ္စည်းလေးအနည်းအကျဉ်းပဲ
ဆွဲထုတ်ရယူနိုင်ခဲ့တယ်။ ဒါပေမယ့်
ဆယ့်နှစ်နှစ်တောင်ဆွမ်းခံနေ့စဉ်ကြွနေတဲ့ကိုယ်တော်လေးကတော့
ဥပါသိကာမကြီးအိမ်ရှေ့ယောင်လို့တောင်လာရပ်ပြီး
သတင်းမမေးခဲ့ပါဘူး။ဥပါသိကာမကြီးမျက်နှာတချက်မညှိးမှိန်သွားပါဘူး၊
ဒီလိုလာမေးဖော်မရတာကို ငါ့မှာအရတော်လေစွာ ရဟန်းသိက္ခာနဲ့အညီ
ဘုရားအဆုံးအမအတိုင်းနေတော်မူတဲ့ကိုယ်တော်ကလေးရလိုက်ပေပြီလို့
ဝမ်းသာနေရှာသတဲ့ ။
အခြားအိမ်နီးချင်းတွေကလာလာမေးကြတယ် “အဖွား ဘာပစ္စည်းတွေများရလိုက်ပါသလဲ “
ဆိုတော့ “ငါ့သမီးတို့ရယ် အဖွားကမီးမလောင်ခင်ထဲက ပစ္စည်းဥစ္စာဆိုတာ
ရန်သူမျိုးငါးပါးနဲ့ ဆက်ဆံနေတာ အဖွားတွက်ပြီးသားပါ ဒါ့ကြောင့် မီးထဲမပါခင်
လှူဒါန်းပေးကမ်းစွန့်ကြဲပြီး သံသရာပါအောင်ထုတ်ပြီးပါပြီကွယ်။ ယခုလောလောဆယ်
စားရသောက်ရဖို့လည်း ဆီလေးဆန်လေးအနည်းကျဉ်းတော့ အရဆွဲထုတ်လိုက်ရတာပေါ့။
"ဟင်…အဖွားအိမ်နေ့စဉ်ဆွမ်းခံကြွနေတဲ့ ကိုယ်တော်လေးက အဖွားကိုဘာမှလာမပေးဘူးလား"
"ငါ့သားတော်လေးက
ရဟန်းတရားပဲပွားများနေတာပါသမီးရယ်။ ရွာထဲမီးလောင်တာ ကျောင်းကန်ဘုရားပါ
မီးသွားမဟပ်မိအောင်သတိထားနေရမယ်လေ။
သားတော်လေးစိတ်ချမ်းသာဖို့ကအရေးကြီးပါတယ်"
“အဖွားပြောတာလည်းဟုတ်ပါရဲ့ ဒါပေမယ့် အဖွားဆီကို ဆွမ်းခံချိန်ကျ
သပိတ်ပိုက်ပြီးလာဦးမှာနော် ၊အဖွားဆွမ်းလောင်းဖို့သာပြင်ထားပေတော့
“ဟုခနဲ့တဲ့တဲ့ပြောကာ ပြန်သွားကြသတဲ့။
ဟုတ်လည်းဟုတ်တာပဲ ဆွမ်းခံချိန်ရောက်တော့မှ ထိုကိုယ်တော်လေးလည်း
သင်္ကန်းသပ္ပါယ်စွာရုံပြီး မီးလောင်ပြင်နံရံခြေမှာ
ဆွမ်းချက်နေတဲ့ဥပါသိကာမကြီးထံ ဆွမ်းခံကြွလာပါတော့တယ်။
ဥပါသိကာမကြီးကလည်း ချက်ပြုတ်ထားတာလေး လောင်းမြဲလောင်းလှူပေးလိုက်တယ်။
ထိုကိုယ်တော်လေးကလည်း “သုခီ ဟောတု”ကိုယ်စိတ်နှစ်ဖြာ ကျန်းမာချမ်းသာပါစေ
ဒါယိကာမကြီး”ဆုတောင်းမေတ္တာပို့သပြီး ပြန်ကြွသွားပါတော့တယ်
။မီးလောင်းခြင်းနှင့်ပတ်သက်ပြီး ဘာသတင်းမှမမေးဘူးတဲ့လေ။
ကိုယ်တော်လေးလည်းပြန်ကြွသွားရော ဘေးနားအိမ်နီးချင်းတသိုက်က
"အဖွားရယ်
ဒီလောက်တောင်အသိတရားခေါင်းပါးတဲ့ကိုယ်တော် တွေ့ပြီမဟုတ်လား
။သူလိုတာရတော့ပြန်သွားတယ် ။ ကျမတို့ကိုယ်တော်လေးတွေကမှ
ဆွမ်းလောင်းရကျိုးနပ်တယ် အရေးကြုံတော့
တတ်နိုင်သမျှလာရောက်ထောက်ပံ့ပေးသွားကြတယ်”လို့ လာပြောကြသတဲ့လေ။
ဒီတင်ထိုဥပါသိကာမကြီး ပြန်ပြောလိုက်ပုံက အလွန်မှတ်သားစရာကောင်းလှပါတယ်။
“သမီးတို့ကအကူညီလိုတော့ သမီးတို့ကိုယ်တော်တွေက သမီးတို့ကို
အကူညီတွေပေးကြတာကောင်းပါတယ်ကွယ် ။ အဖွားသားတော်လေးကလည်း
အမေ့ကိုစိတ်ချမ်းသာမှူတွေ အများကြီးပေးခဲ့ပြီးပါပြီ။ အမေတို့သမီးတို့ဟာ
ကိုယ်လိုအပ်တဲ့အရာအတိုင်းရပြီး ကိုယ်နဲ့ထိုက်တဲ့ကိုယ်တော်ကို
ကိုးကွယ်ဆည်းကပ်ခွင့်ရနေကြတာပါပဲကွယ်”တဲ့လေ ။
ဒီဝတ္ထုလေးက မဇ္ဈိမနိကာယ် ရထ၀ိနီတသုတ္တာန်အဖွင့် မုတ္တမုတ္တကဆိုတဲ့
မှန်ကန်မွန်မြတ်တဲ့ ဆရာတကာဆက်ဆံရေးအကြောင်းမှာ လာရှိပါတယ်။
စာရှူသူ ဓမ္မမိတ်ဆွေများလည်း အလှူဒါနပြုရာ သံဃာတော်များကို
ကိုးကွယ်ဆည်းကပ်ရာမှာ မှန်ကန်စွာပြုလုပ်နိုင်ကြပြီး ကိုးကွယ်ရာမှ
ဘေးမဖြစ်အောင် သတိဆောင်ကြစေရန် ရည်သန်ဖော်ပြပေးလိုက်ရပါတယ်။ ဤမျှဖြင့် ဒါနပါရမီ+ဒါနဥပပါရမီ+ဒါနပရမတ္ထပါရမီ
ဆိုတဲ့ အလှူဒါနရေးရာနဲ့ဆက်စပ်တဲ့ ပို့လေးကို နိဂုံးကမ္ပတ် အဆုံးသတ်လိုက်ရပါတယ်။
နေတတ်ထိုင်တတ် လှူတတ်တန်းတတ်ကြပါစေ
လင်္ကာအရှင်(မုံရွာ)
