မဂဓတက္ကသိုလ်ကြီးနှင့် ကျောင်းသားများကျောင်း

          မဂဓတက္ကသိုလ်ဆိုတာ တစ်ချိန်က သိပ်ကိုထင်းရှားကျော်ကြားခဲ့သော ဗုဒ္ဓစာပေဆိုင်ရာ တက္ကသိုလ်ကြီး တစ်ခုပါ။ အခုလဲ ထင်းရှာကျော်ကြားနေဆဲပါပဲ။ စာရေးသူ အိန္ဒိယ-ဗုဒ္ဓဂယာသို့ ရောက်ရှိခိုက် မဂဓတက္ကသိုလ်ကြီးရဲ့ ပုံရိပ်ကို ထင်ထင်ရှားရှားတွေ့မြင်ခဲ့ရပါတယ်။
          မြန်မာကျောင်းသား ရဟန်းတော်များ ဗုဒ္ဓစာပေဆိုင်ရာ တက်ရောက်သင်ကြားနေသော တက္ကသိုလ်ကြီးတစ်ခုလဲဖြစ်ပါတယ်။ တက္ကသိုလ်ကြီးဟာ ဂယာမြို့နဲ့ ခပ်လှမ်းလှမ်းမှာ တည်ဆောက် ထားသော်လဲ တက္ကသိုလ်အင်္ဂရပ်တွေနဲ့ ပြည့်စုံနေလျှက်ပါ။ တက္ကသိုလ်ဝန်းကျင်းကို လှပစွာတန်ဆာ ဆင်မထားသော်လည်း တကယ့်တက္ကသိုလ် အဆောက်အဦးများသာဖြစ်ပါတယ်။ တက္ကသိုလ်ရဲ့ အငွေ့အသက်ကိုလဲ ခံစားရပါတယ်။
          အခုဆို မြန်မာကျောင်းသား ရဟန်းတော်များ M.A, PhD စသော ဒီဂရီများကို ဘာသာရပ်မျိုးစုံဖြင့် လေ့လာသင်ယူနေကြပါတယ်။ ဒီတက္ကသိုလ်ကြီးက မွေးဖွားပေးလိုက်သော M.A, PhD လောင်းများလည်း များစွာပေါ်ပေါက်နေပါပြီ။ ဒီတက္ကသိုလ်ကြီးက မွေးဖွားပေးလိုက်သော ပညာရှင်ရဟန်းတော်များသည် အခု မိမိတို့လေ့လာသင်ယူထားသော အတတ်ပညာ၊ အသိပညာ၊ တက္ကသိုလ်ပညာရပ်များဖြင့် မိမိတို့၏ အမျိုးဘာသာ သာသနာနဲ့ နိုင်ငံတော်ကြီးတိုးတက်အောင် ပရိယတ္တိ၊ ပဋိပတ္တိ၊ ပဋိဝေဓတာဝန်များနဲ့အတူ လူမှုရေး၊ ပညာရေး၊ ပရဟိတအကျိုးပြုလုပ်ငန်းများကိုလဲ အားမာန်အပြည့်နဲ့ အတ္တဟိတကို နောက်ကွယ်မှာထားလို့ ကျိုးစားဆောင်ရွက်နေကြပါတယ်။
          တက္ကသိုလ်ဆိုလို့...ပြောရအုံးမယ်။ ကမ္ဘာမှာ နိုင်ငံအသီးသီးတွင် တက္ကသိုလ်ကြီးများစွာရှိပါတယ်။ ဘာသာရေးတက္ကသိုလ်၊ စီးပွားရေးတက္ကသိုလ်၊ စစ်ရေးတက္ကသိုလ်၊ ပညာရေးတက္ကသိုလ် စသည်ဖြင့် တက္ကသိုလ်များစွာရှိပါတယ်။ စာရေးသူအရှင်သည်လည်း မန်းလေးနပသ တက္ကသိုလ်ကြီးက မွေးဖွားပေးလိုက်သော B.A တက္ကသိုလ်ကျောင်းသားတစ်ယောက်ပဲ မဟုတ်ပါလား။ မန်းလေးနပသ တက္ကသိုလ်လို့ပြောရတာက ရန်ကုန်မှာ နိုင်ငံတော်ပရိယတ္တိ သာသနတက္ကသိုလ်ကြီးလည်း ရှိနေသောကြောင့်ပါ။ ဒီ..မန်းလေး-ရန်ကုန် နပသတက္ကသိုလ်ကြီးနှစ်ခုဟာ ကျေးဇူးရှင် မင်းကွန်း တိပိဋကဆရာတော်ဘုရားကြီး၏ ကျေးဇူးများကြောင့် ရှင်သန်ပေါ်ပေါက်လာသော နိုင်ငံတော်အစိုးရ တက္ကသိုလ်ကြီးများသာ ဖြစ်ပါသည်။ ဒီတက္ကသိုလ်ကြီးများမှာလည်း စာရေးသူတို့တစ်တွေ B.A, M.A ဘွဲ့ထူးများကို လေ့လာသင်ကြာခွင့်ရှိခဲ့ပါသည်။ မိမိတို့ရဲ့ ဥာဏ်ရည် ဥာဏ်သွေးနဲ့ အကျင့်ကာရိုက်တာအပေါ်မှာ မူတည်၍ ရယူပိုင်ဆိုင်ရမည်သာ ဖြစ်ပါသည်။
          အခုဆို…..ပြည်ပတက္ကသိုလ်ကြီးများမှာ မြန်မာကျောင်းသား ရဟန်းတော်များစွာ တက်ရောက်သင်ယူနေကြပြီ ဖြစ်ပါသည်။ သီရိလင်္ကာ၊ အိန္ဒိယရှိ တက္ကသိုလ်ကြီးများမှာတော့ အတော်လေးကိုများပါတယ်။ နောက်..လန်ဒန် အောစ်ဖို့တက္ကသိုလ်ကြီးမှာတောင် မြန်မာကျောင်းသား ရဟန်းတော်များ ရှိနေပြီဖြစ်ပါသည်။ သီိရိလင်္ကာမှာ…ကိုလံဘိုတက္ကသိုလ်၊ ကေလနိယတက္ကသိုလ်၊ ဘီပီယူတက္ကသိုလ်၊ ပေရာဒနိယတက္ကသိုလ်ကြီးများ။ အိန္ဒိယမှာ မဂဓတက္ကသိုလ်၊ နာလန္ဒာတက္ကသိုလ်၊ ဒေလီတက္ကသိုလ်၊ ဘုံဘေတက္ကသိုလ်၊ ဆန်စကရစ်တက္ကသိုလ်၊ နာဂဇုတက္ကသိုလ်၊ နာဂပူတက္ကသိုလ်၊ ပုနေးတက္ကသိုလ်၊ မဒရပ်စ်တက္ကသိုလ်၊ B.H.U တက္ကသိုလ်၊ ကိုးလ်ကတ္တားတက္ကသိုလ်၊ ပန်ဂျပ်တက္ကသိုလ်၊ ဟိုက်
ဒရာဘက်တက္ကသိုလ်၊ ဂျမူးတက္ကသိုလ်များမှာ မြန်မာကျောင်းသားရဟန်းတော်များ B.A, M.A, M.Phil., PhD စသောအတန်း ပညာရပ်များကို လေ့လာသင်ယူနေကြပါသည်။
          ဒီတက္ကသိုလ်ကြီးများအားလုံးသည် သင်ကြားရေးစနစ်၊ ဖွဲ့စည်းပုံမူဝါဒများ မတူညီကြသော်လည်း တက္ကသိုလ်ကြီးများ စတိုင်လ်အမျိုးမျိုးဖြင့် ပီသကြပါသည်။ ပညာရေးမူဝါဒများလဲ အသီးသီးကောင်းကြပါသည်။ သို့သော်လည်း အဆင့်အတန်း၊ အဆောက်အဦးအနေထား၊ ပတ်ဝန်းကျင်ကွာခြားမှုဖြင့် ငွေကြေးအနည်း အများတော့ ရှိပါသည်။
          စာရေးသူအရှင်အမြင်အားဖြင့်တော့ မိမိနေထိုင် သင်ကြားလေ့လာခဲ့ဖူးသော တက္ကသိုလ်ကြီး များဖြစ်သည့် မန်းလေးနပသတက္ကသိုလ်ကြီးနဲ့ ကေလနိယ (ကိုလံဘို) တက္ကသိုလ်ကြီးများမှာတော့ အာဂုံဘက်ကို အလေးပိုနေတာတွေ့ခဲ့ရပါတယ်။ ဘီအေ၊ အမ်အေတန်းများကို ဆိုလိုတာပါ။ M.Phil, PhD အဆင့်မြင့် အတန်းဘွဲ့ထူးများကို မဆိုလိုပါဘူး။ ဒါကြောင့် စာရေးသူ အရှင်ပြောနေကြ စကားလေးတစ်ခွန်းရှိပါတယ်။ “ University မဟုတ်ဘူး By heart Versity ဖြစ်တယ်” ဆိုတဲ့ စကားပဲ ဖြစ်ပါတယ်။ တခြားတက္ကသိုလ်ကြီးများမှာတော့ ကိုယ်တိုင် မသင်ဖူး မလေ့လာဖူး၍ မပြောတတ်ပါ။ ဒီလိုမျိုးမဖြစ်ပါစေနဲ့လို့တော့ ဆန္ဒဖြစ်မိပါတယ်။
          အခု ဗုဒ္ဓဂါယာကို ရောက်ရှိခိုက် မဂဓတက္ကသိုလ်ကြီးမှာ ပညာသင်ယူနေကြသော ကျောင်းသားများနေထိုင်ရာ Hostel ငှါးနေဆောင်ကို သွားရောက်လည်ပတ်ခဲ့ပါတယ်။ မြန်မာကျောင်းသားများနေထိုင်ရာ ဟော်စတယ်က တက္ကသိုလ်ကြီးနဲ့ ကပ်လျက်ပါ။ တက္ကသိုလ် ကျောင်းဝင်းထည်မှာပဲဖြစ်ပါတယ်။ ဒီဗုဒ္ဓဂါယာကို သူငယ်ချင်းဖြစ်သူ မန်းလေးနပသကျောင်း အတူတူဆင်း မောင်ပဏ္ဍိကို အကြောင်းပြု၍ ရောက်ရှိလာခဲ့ခြင်းဖြစ်ပါသည်။ သူငယ်ချင်းက သဘောကောင်း စိတ်ထားကောင်းသလို မဂဓမှာ ကျောင်းတက်နေကြသော မြန်မာကျောင်းသား ရဟန်းတော်များ အားလုံးကလည်း အလွန်ကို ဖော်ရွှေခင်မင်ကြပါတယ်။ ဒါကြောင့်လဲ မဂဓကျောင်းသားများ နေထိုင်ရာ မဂဓတက္ကသိုလ်ကြီးအတွင်း Hostel မှာ စာရေးသူ သိပ်ကိုပျော်ရွှင်ချမ်းမြေ့လျှက်ရှိပါတယ်။
          အင်း…မဂဓတက္ကသိုလ်ကြီးနဲ့ မဂဓကျောင်းသားများအကြောင်းကို ပြောပြီဆိုရင်တော့ မြန်မာကျောင်းသားများ ကျောင်းတော်ကြီးနဲ့ ဆရာတော်ကြီး ဦးပညာဒီပအကြောင်းကိုလဲ ချန်ထားခဲ့လို့တော့ ဖြစ်မယ်မထင်ဘူး။ ဘာလို့လဲဆိုတော့ မြန်မာကျောင်းသားများကျောင်းတော်ကြီးဟာ မဂဓတက္ကသို်လ်ကြီးမှာ ပညာရပ်တွေ လေ့လာသင်ယူနေသော ကြောင်းသားများအတွက် မရှိမဖြစ်လိုအပ်ပြီး ကျေးဇူးကြီးမားသော မိခင်ကျောင်းတော်ကြီးတစ်ခုပါ။
          မြန်မာနိုင်ငံကနေ အိန္ဒိယ-ဘီဟာပြည်နယ်-ဗုဒ္ဓဂါယာရှိ မဂဓတက္ကသိုလ်ကြီးကို ပညာသင်လာရောက်ကြသော မြန်မာကျောင်းသားများအနေဖြင့် ဒီမြန်မာကျောင်းသားများ ကျောင်းတော်ကြီးမှာ ခေတ္တခိုနားရပါတယ်။ ဒီကျောင်းတော်ကြီးမှာ စားသောက် အိပ်စက်လို့ မှီခိုကြရတာပါ။ ဒါကြောင့် ဒီကျောင်းတော်ကြီးဟာ မဂဓတက္ကသိုလ်က မြန်မာကျောင်းသား ရဟန်းတော်များ၏ ကျေးဇူးရှင် မိခင်ကြီးတစ်ခုပင် မဟုတ်ပါလား။
          ဒီကျောင်းတော်ကြီးကို ၂၀၀၅-၂၀၀၆ နှစ်မှာ စတင်ပြီး ဆရာတော်ဘုရားကြီးဒေါက်တာပညာဒီပတို့ ဦးဆောင်ပြီး စတင်တည်ထောင် ဆောက်လုပ်ခဲ့ပါတယ်။ ဆရာတော်ဘုရားကြီးသည်လည်း ဒေါက်တာ-PhD ကို ဒီမဂဓတက္ကသိုလ်ကြီးကနေပဲ ဒီကျောင်းတော်ကြီး တည်ထောင်ဆောက်လုပ် ဦးစီးရင်းလေ့လာသင်ယူ ကျမ်းပြုစုကာ ရရှိခဲ့ခြင်းဖြစ်ပါတယ်။
          ဒါကြောင့် ဆရာတော်ဘုရားကြီး ဦးပညာဒီပနှင့် ဒီမြန်မာကျောင်းသားများကျောင်းတော်ကြီးဟာ မဂဓတက္ကသိုလ်-မြန်မာကျောင်းသားရဟန်းတော်များနဲ့ အိန္ဒိယနိုင်ငံ ဗုဒ္ဓဂါယာသို့ ဘုရားဖူးလာကြသော မြန်မာနိုင်ငံသူ-နိုင်ငံသားများအတွက် သိပ်ကို ကျေးဇူးကြီးမားလှပါတယ်။
          အခုဆို..စာရေးသူအရှင်အတွက်ရောပါ ဒီမြန်မာကျောင်းသားများ ကျောင်းတော်ကြီးနဲ့ ဆရာတော်ဘုရားကြီး ဦးပညာဒီပ၊ သူငယ်ချင်းဖြစ်သူ မောင်ပဏ္ဍိ၊ မဂဓကျောင်းသားများသည် ကျေးဇူးရှိခဲ့ပြီ မဟုတ်ပါလား။ ကျေးဇူးရှင်အား ကျေးဇူးဆပ်ခြင်းသည် ကောင်းသောလောက၀တ် မင်္ဂလာပဲ မဟုတ်ပါလား။ ကျေးဇူးရှင်များအား ကျေးဇူးကို ပြန်လည်မပေးဆပ်ချင်နေ ကျေးဇူးရှင်အား ကျေးဇူးမကန်းမိဖို့တော့ သ်ိပ်ကိုအရေးကြီးသည်ပဲ မဟုတ်ပါလား။
          တကယ်တော့ လောကမှာ… ကျေးဇူးရှင်အား ကျေးဇူးဆပ်ဖို့ နေနေသာသာ မိမိရဲ့ကျေးဇူးရှင်အဖြစ် လူဘုံအလည်မှာ အသိမှတ်ပြုဖို့တောင် အင်မတန်ခက်ခဲသည် မဟုတ်ပါလား။ စာရေးသူ အနေအားဖြင့် မိမိအပေါ်မှာ ကွမ်းတစ်ယာ၊ ရေတစ်မုတ်၊ ဆွမ်းတစ်လုပ်မျှ ကျေးဇူးရှိခဲ့ဖူးသော ကျေးဇူးရှင်များအား ကျေးဇူးပြန်လည်ဆပ်နိုင်အောင် ကြိုးစားနေလျှက်ပါ။ ကျေးဇူးကိုပြန်လည် မပေးဆပ်နိုင်ရင်တောင် ကျေးဇူးကို မကန်းမိဖို့၊ ကျေးဇူးရှင်ကို မပြစ်မှားမဖို့ စွမ်းအားရှိသလောက် ကြိုးစားနေပါတယ်။
          အားလုံး ကျေးဇူးရှင်များအပေါ် ကျေးဇူးကို သိတတ်ပြီး ကျေးဇူးကို ပြန်လည်ဆပ်နိုင်ကာ လိုရာဆန္ဒကို ပြည့်ဝနိုင်ပါစေလို့…… အားလုံး ရွှင်လန်းချမ်းမြေ့ပါစေ….အမေ့မေတ္တာအရှင် (ခေတ္တ-ဂယာ)