ချင်းနိုင်းကို လေးရက်နေ့ ၇-၃၀တွင်ရောက်ခဲ့သည်။ သွားမည့်-တည်းမည့်နေရာ လိပ်စာ အတိကျ မသိဖြစ်သွားသောကြောင့် မနက်ပိုင်း လေယာဉ် ချင်းနိုင်းကနေ ဒေလီသို့ မမှီလိုက်ဘဲ ညနေပိုင်း ၅-၃၀ လေယာဉ်ကိုစီးရမည်ဖြစ်၍ နောင်ကြီး ဦးတေဇ၀န္တတို့ဆီမှာ ခဏတာ နား-နေပြီး ညနေပိုင်း လေယာဉ်ဖြင့် ည ၈-၁၅ တွင် ဒေလီမြို့ကို ရောက်ရှိခဲ့ပါသည်။
လာကြိုနေတဲ့ ဒေလီက အိန္ဒိယမိသားစုကားဖြင့် မိသားစုအိမ်ကို ည ၁၀ နာရီအချိန်တွင် ရောက်ပါသည်။
မိသားစုအားလုံး ဗုဒ္ဓဘာသာဝင်များဖြစ်သလို ဖော်ရွေမှုလဲ ရှိပါသည်။ မိသားစုအလား ဆက်ဆံမှုပြုကြပါသည်။ မြန်မာဓလေ့ အနေဖြင့် မဆိုသာသော်လည်း အိန္ဒိယ နိုင်ငံအနေအားဖြင့် ဘာသာရေးကိုင်းရှိုင်းမှု ရှိကြပါသည်။
ဒီမိသားစုလေးကို အွန်လိုင်းဖေ့စ်ဘုတ်ကတစ်ဆင့် သိရသော်လည်း မိတ်ဆွေကောင်း ပီသလွန်းပါတယ်။ တစ်ခါမှ မမြင်ဖူး မသိဖူးသော်လည်း တိုင်းတစ်ပါးသားဖြစ်သော မြန်မာရဟန်းတော်တစ်ပါးကို လက်ခံတည်းခိုခွင့်ပြုဖို့ဆိုတာ အတော်လေးကို လွယ်ကူသော အရာမဟုတ်ပါ။
အိန္ဒိယတိုင်းသား အမျိုးသမီးဖြစ်တဲ့ Nicky Gautama က သူ့အိမ်မှာ ကြည်ဖြူစွာ တည်းခိုခွင့်ပြုခဲ့သလို ဒေလီမြို့တစ်ဝိုက်လဲ ဘုရားဖူး အလည်ပတ်ကို သူကိုယ်တိုင် လိုက်ပို့ပေးခဲ့ပါတယ်။
သူ့မိသားစုလေးကား ပစ္စည်းဥစ္စာဆင်းရဲသော်လည်း စိတ်မဆင်းရဲကြပါ။ မိသားအားလုံး ပျော်ရွှင်ချမ်းမြေ့စွာပဲ နေထိုင်ကြပါတယ်။ တကယ်ကို အတုယူစရာလဲ ကောင်းလှပါတယ်။
တကယ်တော့ နစ်ကီဂေါတမဆိုသော အမျိုးသမီးလေးဟာ အသက်အားဖြင့် ၂၃ ပဲ ရှိပါသေးတယ်။ အိမ်မှာ မိသားစု ငါးယောက်အနက် အကြီးဆုံးဖြစ်သည့်နှင့်အညီ တကယ်လဲ တော်ရှာပါတယ်။
ဒေလီတက္ကသိုလ်ကနေ ကျောင်းပြီးထားပြီး မိဘများကို လုပ်ကိုင်ကျွေးမွေးနေသူလဲ ဖြစ်ပါတယ်။
သူဟာ ကူညီရိုင်းပင်းတတ်ပြီး စိတ်ကောင်းစေတနာကောင်း ရှိသူလဲဖြစ်ပါတယ်။ ဒေလီမှကျောင်းတက်
နေသော မြန်မာဗုဒ္ဓဘာသာ ရဟန်းတော်များနဲ့ သိကျွမ်းသလို၊ မြန်မာနိုင်ငံကနေ အိန္ဒိယ-ဒေလီကို ဆေးလာကု ကြသော မြန်မာ မိသားစုဝင်များနဲ့လဲ ခင်မင်နေ သူဖြစ်ပါတယ်။
သူကား တကယ်ကို မိတ်ဆွေကောင်းပီသသော၊ ကူညီရိုင်းပင်းတတ်သော၊ လိမ်မာရေးခြားရှိသော၊ မိဘကိုလုပ်ကျွေးနေသော၊ ပညာတတ်ဖြစ်သော၊ ဘာသာရေးကိုင်းရှိုင်းသော အမျိုးသမီးငယ်လေး-မိန်းကလေး တစ်ယောက်ဖြစ်ပါသည်။.................................................
သူ့မိသားစုလေးမှာ လေးညတာတည်းခို၍ အခု..ဒေလီမြို့နဲ့ မဝေးသော Noida Cityမှာ ဖွင့်ထားတဲ့ Gautem Buddhist University တွင် အမ်ဖီ-Mphil တက်နေသော နောင်တော်ကြီး တိလောက ထံတွင် ဂေါတမ်တက္ကသိုလ်...အကြောင်းကို လေ့လာရင်း ခဏတာရောက်နေပါသည်...မကြာခင် ဂယာကို သွားပါမည်။ အားလုံးအဆင်ပြေ သာယာပါကြောင်း။ ပျော်ရွှင် ချမ်းမြေ့ပါစေလို့.. အမေ့မေတ္တာအရှင်...
No comments:
Post a Comment