ဒေါ်သီတာဆွေနှင့် ခဏတာပြောဆိုခြင်း အဆက်!
အလုပ်တွေ များနေတာကြောင့် အခုမှပဲ ဆက်ရေးဖြစ်တာကို နားလည်ပေးစေလိုပါတယ်။ တွန်းအားပေးတဲ့ လင်းဓမ္မသူကိုလဲ ကျေးဇူးတင်ပါတယ်။
ဒေါ်သီတာဆွေ။---။ အရှင်ဘုရား။ တပည့်တော်ကလဲ သာသနာတော်ကြီးနဲ့ ကြုံခိုက် သာသနာတော်ကြီးကို ထောက်ပံ့သောအားဖြင်လည်းကောင်း၊ သံသရာမှ လွတ်မြောက်လိုသောအားဖြင့်လည်းကောင်း တပည့်တော် တစ်စွမ်းသမျှ လှူဒါန်းခြင်းပါဘုရား။
အရှင်။-----။ ကောင်းပါတယ်-သာဓုတွေ အကြိမ်ကြိမ်ခေါ်ပါတယ် ဒကာမကြီး။ သာသနာတော်ကြီးတည်တံ့ စည်ပင် ပြန့်ပွားဖို့ဆိုတာ ဆရာ-ဒကာညီမှပါ။ ဥပမာအားဖြင့်ပြောရရင်-ရေနဲ့ -ကြာလိုပါပဲ။ ဒီကံကြီးထဲမှာ ရှင်သန်နေတဲ့ ကြာပန်းလေးတွေ လှပ အသက်ဆက်ဖို့ဆိုတာ ရေရှိမှဖြစ်မှာလေ။ ရေ မရှိရင် ကြာပင်လေးတွေ အသက်ဘယ် ရှင်နိုင်ပါ့မလဲ။ ဒီလိုပါပဲ--သာသနာတော်ကြီး အတွင်းမှာ သီတင်းသုံးပြီး သာသနာတော်ကြီးကို စောင့်ရှောက်- သံသရာမှ လွတ်ကြောင်း အကျင့်တွေကို ကျင့်ကြံအားထုတ်နေတဲ့ ကြာပန်းနဲ့တူသော သံဃာတော် အရှင်သူမြတ်တွေသည်လဲ ရေနဲ့တူသော ဒကာ-ဒကာမတွေက မထောက်ပံ့ပါက-မလှူဒါန်းပါက ဘယ်မှာ သာသနာကို စောင့်ရှောက် ထောက်ပံ့နိုင်ပါ့မလဲ။ ဘယ်လိုလုပ်ပြီး -ပရိယတ္တိ သာသနာတော်ကြီးကို သင်အံလေ့ကျက်နိုင်ပါ့မလဲ။ ပဋိပတ္တိသာသနာတော်ကြီးကို ဘယ်မှာ ကျင့်ကြံအားထုတ်နိုင်ပါ့မလဲ။ ပဋိဝေဓသာသနာတော်ကြီးကို ဘယ်မှာ ဟောပြောပြသ-ဆုံးမနိုင်ပါ့မလဲ။
ဒေါ်သီတာဆွေ။---။ မှန်ပါ့ မှတ်သားထားပါမယ်ဘုရား။ ကြားရ နာရတာလဲ ကျေှးှဇူးများလှပါတယ်ဘုရား။ တပည့်တော် တွေးမိတာလေး တစ်ခုရှိတယ်ဘုရား- တပည့်တော်မလေ ဟို--ရှေ့ဘ၀ အတိတ်က ဒါနပါရမီတွေ နည်းခဲ့လို့နဲု့တူတယ် ဘုရား။ လှူရတာကို အားမရဘူးဖြစ်နေတယ်ဘုရား။ ဒါကြောင့်လဲ တပည့်တော်မ "ငါ အတိတ်ဘ၀က ဒါနပါရမီတွေနည်းခဲ့လို့၊ ပေးကမ်းစွန့်ကြဲ လှူဒါန်းမှုတွေ နည်းခဲ့လို့ ငါ ဒီဘ၀မှာ လှူရတာ အားမရတာ-လှူချင်သလောက် မလှူရတာဆို"ပြီး အခု စေတနာဖြူဖြူ -သဒ္ဓါတရား ထက်ထက်သန်သန်နဲ့ ကြိုးကြိုးစားစား လှူဒါန်း နေပါတယ်ဘုရား။
အရှင်။---။ အော်-ဒီလိုလဲ မတွေးပါနဲ့ ဒကာမကြီး။ ဒကာမကြီး ဘယ်လောက်လှူ လှူ အားမရဘူးဆိုတာကတော့ အတိတ်က ဒါနပါရမီတွေ နည်းခဲ့လို့ မဟုတ်ပါဘူး။ ဒီဘ၀မှာ ဘယ်လောက်လှူလှူ အားမရဘူးဆိုတာ အတိတ်ဘ၀တွေတုန်းက ဒါနပါရမီတွေ များများဖြည့်ကျင့်ခဲ့လို့ပါ။သူတော်ကောင်း ပညာရှိ- ဒါနကုသိုလ်ကောင်းမှုမှာ မွေ့လျော်သော သူများသည် ဒါနကောင်းမှုတွေ ဘယ်လောက် လုပ်လုပ် ကျေနပ် ရောင့်ရဲတယ်ဆိုတာ မရှိပါဘူး။ ဘုရားလောင်းများသည်လည်း စွန်းခြင်းကြီးတွေ ၊ ဒါနပါရမီတွေ ၊ဒါနဥပပါရမီတွေ၊ ဒါနပရမတ္ထပါရမီတွေကို များစွာဖြည့်ကျင့်ခဲ့တာပါပဲ။ ဘုရားရှင်ကိုယ်တိုင်ကလဲ " ချစ်သားတို့ ငါ့ဘုရားဟောသလို ဒါနတရား-ဒါနရဲ့ အကျိုးကျေးဇူးတွေကို လူသားတွေ တကယ်နားလည်သဘောပေါက်မယ်ဆိုရင် မိမိစားမဲ့ ထမင်းလုပ်ကိုတောင် မိမိမစားပဲ သူများကို ကျွေး-လှူဒါန်းလိမ့်မယ်"လို့ ပြောခဲ့-ဟောခဲ့တာပဲလေ။---ဆက်ရန်---ရှိပါသေးသည်။
No comments:
Post a Comment